പ്രവാസി സംഘം ഏരിയ കൺവെൻഷൻ

തളിപ്പറമ്പ്: കേരള പ്രവാസി സംഘം തളിപ്പറമ്പ് ഏരിയ കൺവെൻഷൻ ബുധനാഴ്ച ഉച്ചക്ക് 2.30ന് തളിപ്പറമ്പ് കെ.കെ.എൻ. പരിയാരം സ്മാരക ഹാളിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. പ്രവാസി ക്ഷേമനിധി ബോർഡ് ചെയർമാൻ പി.ടി. കുഞ്ഞിമുഹമ്മദ് ഉദ്ഘാടനം ചെയ്യും. എസ്.എസ്.എൽ.സി, പ്ലസ് ടു പരീക്ഷകളിൽ ഉയർന്ന മാർക്ക് നേടിയ പ്രവാസികളുടെ മക്കളെ ചടങ്ങിൽ അനുമോദിക്കുമെന്ന് ഏരിയ സെക്രട്ടറി എൻ. കൃഷ്ണൻ, കെ.വി. നാരായണൻ, വി. ഭാസ്കരൻ, സി.പി. ഗംഗാധരൻ, ഇ.വി. സതീശൻ എന്നിവർ അറിയിച്ചു. തൊഴിൽ രഹിത വേതനം തളിപ്പറമ്പ്: ആന്തൂർ നഗരസഭയിലെ തൊഴിൽ രഹിത വേതനം വ്യാഴാഴ്ച രാവിലെ 10 മുതൽ നഗരസഭ ഓഫിസിൽ വിതരണം ചെയ്യുമെന്ന് സെക്രട്ടറി അറിയിച്ചു.