'ചികിത്സ'തേടി മഞ്ചേശ്വരം സി.എച്ച്​.സി

ഒരു ഗ്രാമം പ്രാഥമിക ചികിത്സ തേടുന്ന കേന്ദ്രമാണ് സാമൂഹികാരോഗ്യകേന്ദ്രം. പുതിയ മഞ്ചേശ്വരം താലൂക്കി​െൻറ താലൂക്ക് ആശുപത്രിയായി ഉയർത്തപ്പെടാൻ നിർദേശിക്കപ്പെട്ടിരിക്കുന്നത് മംഗൽപാടി സാമൂഹികാരോഗ്യ കേന്ദ്രമാണ്. ജില്ല, ജനറൽ ആശുപത്രികൾ കഴിഞ്ഞാൽ ജില്ലയിൽ ഏറ്റവും കൂടുതൽ പേർ അഭയം തേടുന്ന ആശുപത്രിയാണ് ഇത്. ദക്ഷിണ കാനറയിൽ സ്വാതന്ത്ര്യ കാലത്തിനുമുമ്പ് നിലനിന്നുപോന്നിരുന്ന ഇൗ ആതുരാലയത്തിൽ വികസനത്തി​െൻറ വെളിച്ചം ഇനിയുമെത്തിയില്ല. ചരിത്രവും പാരമ്പര്യവും നോക്കിയാൽ മെഡിക്കൽ കോളജ് ആകേണ്ട ആതുരാലയമാണിത്. എന്നാൽ, ജനങ്ങളെ അവഗണിച്ചതി​െൻറ ഭാഗമായി ആശുപത്രിയും തഴയപ്പെട്ടു. ജില്ലയുടെ ഏറ്റവും പിന്നാക്കക്കാരായ ജനങ്ങൾ ആശ്രയിക്കുന്ന കേന്ദ്രമാണിത്. കർഷകർ, ആദിവാസികൾ, പട്ടികജാതി-വർഗ വിഭാഗക്കാർ, കൊറഗർ എന്നീ വിഭാഗങ്ങളുടെ ആശ്രയമാണ് ഇവിടെ. മഞ്ചേശ്വരം താലൂക്കിലേക്ക് നീങ്ങുേമ്പാഴും ഇൗ ആരോഗ്യ കേന്ദ്രത്തെ രക്ഷപ്പെടുത്താനുള്ള ഒരു അനക്കവും ആരോഗ്യ വകുപ്പി​െൻറ ഭാഗത്തുനിന്നുണ്ടാകുന്നില്ല എന്നതാണ് ദയനീയാവസ്ഥ.