പൊലീസുകാരനുനേരെ അക്രമം: തടവും പിഴയും

കണ്ണൂർ: പൊലീസിനെ ആക്രമിച്ച കേസിൽ പ്രതിക്ക് തടവും പിഴയും. കണ്ണൂർ സിറ്റി വെറ്റിലപ്പള്ളി അൽഅമീൻ ക്വാർേട്ടഴ്സിലെ റഉൗഫ് എന്ന കട്ട റഉൗഫിനെയാണ് (27) കണ്ണൂർ ജുഡീഷ്യൽ ഫസ്റ്റ് ക്ലാസ് (ഒന്ന്) മജിസ്ട്രേറ്റ് കോടതി ഒമ്പതു മാസം തടവിനും 6,000 രൂപ പിഴയടക്കാനും ശിക്ഷിച്ചത്. 2016 ഒക്ടോബർ 29നാണ് കേസിനാസ്പദമായ സംഭവം. കണ്ണൂർ സബ് ജയിലിൽ റിമാൻഡ് തടവുകാരനായിരുന്ന റഉൗഫിനെ ജില്ല ആശുപത്രിയിൽ ചികിത്സക്കായി കൊണ്ടുപോകവേ താലൂക്ക് ഒാഫിസിനടുത്ത് പൊലീസുകാരനെ തള്ളിയിട്ട് രക്ഷപ്പെടാൻ ശ്രമിച്ചെന്നാണ് കേസ്.