മോദിഭരണത്തിൽ ജനം ദുരിതമനുഭവിക്കുന്നു- ^രാജ്മോഹൻ ഉണ്ണിത്താൻ

മോദിഭരണത്തിൽ ജനം ദുരിതമനുഭവിക്കുന്നു- -രാജ്മോഹൻ ഉണ്ണിത്താൻ മാഹി: കോർപറേറ്റുകളുടെയും ഇവൻറ് മാനേജ്മ​െൻറി​െൻറയും വെട്ടിൽവീണ ജനം മോദിഭരണത്തിൻ കീഴിൽ ദുരിതമനുഭവിക്കുകയാണെന്ന് കോൺഗ്രസ് വക്താവ് രാജ്മോഹൻ ഉണ്ണിത്താൻ. ന്യൂ മാഹി മണ്ഡലം കോൺഗ്രസ് കമ്മിറ്റി നടത്തിയ 'വർഗീയ ഫാഷിസത്തിനെതിരെ മാനവീയം' ന്യൂ മാഹി ടൗണിൽ ഉദ്ഘാടനം ചെയ്യുകയായിരുന്നു അദ്ദേഹം. സംഘ്പരിവാറും മോദിയും കോൺഗ്രസ്മുക്ത ഭാരതത്തിന് കോടികളാണ് ചെലവിടുന്നത്. സി.പി.എം എപ്പോഴും വാകൊണ്ടുമാത്രമാണ് സംഘ്പരിവാറിനെ എതിർക്കുന്നത്. കൈയിലുള്ള അധികാരം ഉപയോഗിച്ച് സംഘ്പരിവാറിനെ എതിർക്കാൻ ഇരട്ടച്ചങ്കന് സാധിക്കുന്നില്ല. ഗവർണറെ ഉപയോഗിച്ച് വിരട്ടുമ്പോൾ അതിനെതിരെ പ്രതികരിക്കാൻപോലും സി.പി.എമ്മിനാകുന്നില്ലെന്നത് അപമാനകരമാണെന്നും ഉണ്ണിത്താൻ കൂട്ടിച്ചേർത്തു. അഡ്വ. സി.ടി. സജിത്ത്, അഡ്വ. പി.കെ. രവീന്ദ്രൻ, കെ. വിജയകൃഷ്ണൻ, എൻ.കെ. പ്രേമൻ, സി.ആർ. റസാഖ്, സാജിത്ത് പെരിങ്ങാടി എന്നിവർ സംസാരിച്ചു.