നിര്‍മാണത്തിലെ അപാകത: കീച്ചേരി^-കൊട്ടപ്പാലം റോഡ്​ തകർന്നു

നിര്‍മാണത്തിലെ അപാകത: കീച്ചേരി-കൊട്ടപ്പാലം റോഡ് തകർന്നു കല്യാശ്ശേരി: കീച്ചേരി--കൊട്ടപ്പാലം റോഡി​െൻറ ടാറിങ് തകർന്ന് യാത്രാദുരിതം. ഒന്നര കിലോമീറ്ററോളം ദൈർഘ്യമുള്ള റോഡിൽ ഇടപ്പള്ളി റോഡ് ജങ്ഷന് സമീപത്താണ് ടാറിങ് പൂർണമായി ഇളകിയത്. ഇതി​െൻറ ഭാഗമായി റോഡിന് കുറുകെ വലിയ കുഴി രൂപപ്പെട്ടു. നിരന്തരമായ പ്രക്ഷോഭത്തി​െൻറ ഭാഗമായാണ് ഒരുവർഷം മുമ്പ് ടാറിങ് നടത്തിയത്. ജില്ല പഞ്ചായത്തി​െൻറ 15 ലക്ഷവും ടി.വി. രാജേഷ് എം.എൽ.എയുടെ വികസന ഫണ്ടിൽനിന്നുള്ള 15 ലക്ഷം രൂപയും ഉപയോഗപ്പെടുത്തിയാണ് റോഡ് ഘട്ടംഘട്ടമായി മെച്ചപ്പെടുത്തിയത്. കഴിഞ്ഞ വർഷംവരെ റോഡി​െൻറ അപാകത കാരണം വാഹനഗതാഗതം നിര്‍ത്തിവെച്ചും റോഡില്‍ വാഴനട്ടും നാട്ടുകാർ പ്രതിഷേധിച്ചിരുന്നു. റോഡ്‌ നിര്‍മാണത്തിലെ തകരാറാണ് റോഡ് പൊട്ടിപ്പൊളിയാൻ കാരണമെന്ന് നാട്ടുകാര്‍ പറഞ്ഞു. റോഡി​െൻറ അഞ്ചിടങ്ങളില്‍ ഇതുപോലെ തകർന്നിട്ടുണ്ട്. ഇതോടെ വാഹന ഗതാഗതവും കാല്‍നടയും ദുരിതമായി. നാട്ടുകാരുടെ പരാതിയെ തുടര്‍ന്ന്‍ ആറുമാസം മുമ്പ് ഏതാനും ഭാഗങ്ങളില്‍ വീണ്ടും ടാറിങ് നടത്തിയിരുന്നു. റോഡി​െൻറ ചില ഭാഗം ഉയർത്തിയെങ്കിലും മറ്റു ചില ഭാഗം ഉയർത്താതെ അശാസ്ത്രീയമായി ടാറിങ് നടത്തിയതാണ് റോഡ് തകരാൻ കാരണമെന്നാണ് നാട്ടുകാരുടെ ആക്ഷേപം. ഓവുചാല്‍ ഇല്ലാത്തതും തകർച്ചക്കിടയാക്കി.