ബി.ജെ.പി ജനരക്ഷാ യാത്ര സെപ്​റ്റംബർ ഏഴിന്​ തുടങ്ങും; അമിത്​ ഷാ പയ്യന്നൂരിൽ ഉദ്​ഘാടനം ചെയ്യും

കണ്ണൂർ: ബി.ജെ.പി സംസ്ഥാന പ്രസിഡൻറ് കുമ്മനം രാജശേഖരൻ നയിക്കുന്ന ജനരക്ഷാ യാത്ര സെപ്റ്റംബർ ഏഴിനു രാവിലെ പയ്യന്നൂരിൽനിന്ന് ആരംഭിക്കും. സെപ്റ്റംബർ 23നു തിരുവനന്തപുരത്ത് സമാപിക്കും. ബി.ജെ.പി അഖിലേന്ത്യ അധ്യക്ഷൻ അമിത്‌ഷാ പയ്യന്നൂരിൽ യാത്ര ഉദ്ഘാടനം ചെയ്യും. ജില്ലയിലെ യാത്രയിൽ അദ്ദേഹം പങ്കെടുക്കും. യാത്രയുടെ വിജയത്തിനായി ബി.ജെ.പി സമ്പൂർണ ജില്ല കമ്മിറ്റി യോഗം ചേർന്നു. ദേശീയ എക്സിക്യൂട്ടിവ് അംഗം വി. മുരളീധരൻ ഉദ്ഘാടനം ചെയ്തു. ജില്ല പ്രസിഡൻറ് പി. സത്യപ്രകാശൻ അധ്യക്ഷത വഹിച്ചു. സംസ്ഥാന സെൽ കോഒാഡിനേറ്റർ കെ. രഞ്ജിത്ത്, കോഴിക്കോട് മേഖല സംഘടന സെക്രട്ടറി സുരേഷ്, ദേശീയ കൗൺസിൽ അംഗം പി.കെ. വേലായുധൻ, മേഖല വൈസ് പ്രസിഡൻറ് എ.പി. ഗംഗാധരൻ, ജില്ല ജനറൽ സെക്രട്ടറി അഡ്വ. രത്നാകരൻ തുടങ്ങിയവർ സംസാരിച്ചു.