സൈന്യത്തിൽ ജോലി വാഗ്ദാനം ചെയ്ത് ലക്ഷങ്ങൾ തട്ടിയ 'മേജർ' പിടിയിൽ

തിരുവനന്തപുരം: മേജർ ചമഞ്ഞ് സൈന്യത്തിൽ ജോലി വാഗ്ദാനം ചെയ്ത് ലക്ഷങ്ങൾ തട്ടിയ കൊല്ലം സ്വദേശി പിടിയിലായതായി സൂചന. പാങ്ങോട് മിലിട്ടറി ക്യാമ്പിന് സമീപം കേന്ദ്രീകരിച്ച് ഏതാനും മാസം മുമ്പ് നടന്ന തട്ടിപ്പിലെ പ്രധാന പ്രതിയാണ് തിരുവനന്തപുരം സിറ്റി പൊലീസി​െൻറ വലയിലായത്. ഇരുപതോളം പേരിൽനിന്നായി കാൽക്കോടിയോളം രൂപ തട്ടിയെടുത്തതായാണ് വിവരം. തട്ടിപ്പിനിരയായ യുവാവി​െൻറ വീട്ടുകാർ നൽകിയ പരാതിയിൽ തിരുവനന്തപുരം സിറ്റി പൊലീസ് കമീഷണറുടെ നിർദേശാനുസരണം അസി.കമീഷണർമാരായ സുരേഷ്കുമാർ, ബൈജു എന്നിവരുടെ നേതൃത്വത്തിലെ സംഘമാണ് ഇയാളെ വലയിലാക്കിയത്. അറസ്റ്റ് ഞായറാഴ്ച രേഖപ്പെടുത്തുമെന്നാണ് വിവരം. കഴിഞ്ഞവർഷം മിലിട്ടറി റിക്രൂട്ട്മ​െൻറ് റാലി നടന്ന അവസരത്തിലായിരുന്നു തട്ടിപ്പ്. മേജറുടെ യൂനിഫോം ധരിച്ചെത്തിയ ഇയാൾ പാങ്ങോട് മിലിട്ടറി ക്യാമ്പിന് സമീപത്തെ ഒരു കേന്ദ്രത്തിൽ ക്യാമ്പ് ചെയ്ത് ഇയാൾ പണം തട്ടിയെന്നാണ് പൊലീസ് പറയുന്നത്. തട്ടിപ്പിൽ കൂടുതൽപേർ ഉൾപ്പെട്ടിട്ടുള്ളതായും പൊലീസ് സംശയിക്കുന്നുണ്ട്.