കണ്ണൂർ മോഡൽ ഇന്ത്യയിലുടനീളം വ്യാപിപ്പിക്കണം ^പി. ജയരാജൻ

കണ്ണൂർ മോഡൽ ഇന്ത്യയിലുടനീളം വ്യാപിപ്പിക്കണം -പി. ജയരാജൻ കണ്ണൂർ: കണ്ണൂർ മോഡൽ ഇന്ത്യയിലുടനീളം വ്യാപിപ്പിക്കണമെന്ന് സി.പി.എം ജില്ല സെക്രട്ടറി പി. ജയരാജൻ. ബ്രിട്ടീഷ് സാമ്രാജ്യത്വത്തിനെതിരെ ജനകീയ പ്രതിരോധത്തിന് തുടക്കമിട്ടതി​െൻറ ആസ്ഥാനമാണ് കണ്ണൂർ. കോൺഗ്രസി​െൻറ അക്രമശൈലിക്കെതിരെയും കണ്ണൂർ മുന്നോട്ടുവന്നു. തലശ്ശേരി വർഗീയ കലാപ കാലത്തും കണ്ണൂരിലെ കമ്യൂണിസ്റ്റുകാരാണ് ചെറുത്തുനിന്നത്. ജനാധിപത്യത്തിനും സാമൂഹികനീതിക്കും േവണ്ടിയുള്ള പോരാട്ടമാണ് കണ്ണൂരി​െൻറ ചരിത്രം. അത് രാജ്യത്തുടനീളം വരണമെന്നും ജയരാജൻ മാധ്യമങ്ങളോടു പറഞ്ഞു. മറ്റു ജില്ലകളിൽ പോയി താൻ സംഘർഷമുണ്ടാക്കുന്നുവെന്നാണ് ആർ.എസ്.എസ്-ബി.ജെ.പി പ്രചാരണം. ജില്ലക്കു വെളിയിലുള്ള ആർ.എസ്.എസ് നേതാക്കളാണ് സംഘർഷമുണ്ടാക്കുന്നത്. മറക്കുള്ളിലിരുന്ന് അക്രമങ്ങൾക്ക് ഗൂഢാലോചന നടത്തുന്നത് ആരാണെന്ന് തെളിവുകളോടെ പുറത്തുവന്നിരിക്കുകയാണ്. രാജ്യത്തുടനീളം ആർ.എസ്.എസി​െൻറ ശൈലിയാണിത്. രഹസ്യമായി ക്യാമ്പു ചെയ്ത് യുവാക്കളെ വഴിതെറ്റിക്കുകയാണ് ഇത്തരം പ്രചാരകർ. ഇതി​െൻറ ഒടുവിലത്തെ ഉദാഹരണമാണ് കൂത്തുപറമ്പിലെ അറസ്റ്റ്. ജനാധിപത്യ വ്യവസ്ഥയിൽ പ്രവർത്തിക്കുന്നതിന് അംഗത്വം വേണം. ആർ.എസ്.എസിനോ ഗോരക്ഷ സേനക്കോ ഹിന്ദുസേനക്കോ മെംബർഷിപ്പില്ല. അതിനാൽ, ആർ.എസ്.എസ് സ്വകാര്യ സായുധ സേനയാണെന്നും അദ്ദേഹം കൂട്ടിച്ചേർത്തു.