പൊതുയോഗവും ഒപ്പ് ശേഖരണവും

ചക്കരക്കല്ല്: സോളിഡാരിറ്റി യൂത്ത് മൂവ്മ​െൻറ് രാഷ്ട്രപതിക്ക് സമർപ്പിക്കുന്ന ഭീമഹരജിയുടെ പ്രചാരണാർഥം ചക്കരക്കല്ല് ഏരിയ പൊതുയോഗവും ഒപ്പ് ശേഖരണവും സംഘടിപ്പിച്ചു. ജമാഅത്തെ ഇസ്ലാമി ചക്കരക്കല്ല് ഏരിയ പ്രസിഡൻറ് ഇ. അബ്ദുൽ സലാം മാസ്റ്റർ ഉദ്ഘാടനം ചെയ്തു. മുൻ ഡി.ജി.പി ടി.പി. സെൻകുമാറിനെ കേരള അഡ്മിനിസ്ട്രേറ്റിവ് ട്രൈബ്യൂണൽ അംഗമായി നിയമിക്കരുതെന്ന് ആവശ്യപ്പെട്ടാണ് ഭീമഹരജി സമർപ്പിക്കുന്നത്. സോളിഡാരിറ്റി ജില്ല സമിതിയംഗം സി.ടി. ഷഫീക്ക് അധ്യക്ഷത വഹിച്ചു. സോളിഡാരിറ്റി ജില്ല സമിതിയംഗം അൻസാർ ഉളിയിൽ മുഖ്യ പ്രഭാഷണം നടത്തി. ചക്കരക്കല്ല് ഏരിയ സെക്രട്ടറി സഫീർ കലാം സ്വാഗതവും ഏരിയ പ്രസിഡൻറ് സി.ടി. അസ്കർ നന്ദിയും പറഞ്ഞു.