ഇടൂഴി നവരാത്രി സാംസ്കാരികോത്സവം തുടങ്ങി

മയ്യില്‍: ഇടൂഴി ഇല്ലം ആയുര്‍വേദ ഫൗണ്ടേഷന്‍ ചാരിറ്റബ്ള്‍ ട്രസ്റ്റിന്‍െറ നേതൃത്വത്തില്‍ ഈവര്‍ഷത്തെ നവരാത്രി സാംസ്കാരികോത്സവം സിനിമാതാരം ഉണ്ണികൃഷ്ണന്‍ നമ്പൂതിരി കളിവിളക്ക് തെളിയിച്ച് ഉദ്ഘാടനം ചെയ്തു. നവോത്ഥാനകാലത്ത് ഇടൂഴി ഇല്ലത്ത് നടക്കാറുണ്ടായിരുന്ന സാഹിത്യസഭയുടെ തുടര്‍ച്ചയായാണ് സാംസ്കാരികോത്സവം നടത്തുന്നത്. ചടങ്ങില്‍ ഡോ. ഐ. ഭവദാസന്‍ നമ്പൂതിരി അധ്യക്ഷത വഹിച്ചു. ഡോ. ഐ. ഉണ്ണികൃഷ്ണന്‍ നമ്പൂതിരി, പി.കെ. വിജയന്‍, കെ.പി. ചന്ദ്രന്‍ മാസ്റ്റര്‍, ഡോ. ഐ. ഉമേഷ് നമ്പൂതിരി എന്നിവര്‍ സംസാരിച്ചു. തുടര്‍ന്ന്, നങ്ങ്യാര്‍കൂത്ത് ആചാര്യന്‍ പൈങ്കുളം നാരായണ ചാക്യാരുടെ നേതൃത്വത്തില്‍ കലാപീഠം ഡോ. ഹീരാനമ്പൂതിരിയുടെ നങ്ങ്യാര്‍കൂത്ത് അരങ്ങേറി. തുളസി ഹരീഷ്, ആദിത്യ, അനുശ്രീ, ശ്രീനന്ദ എന്നിവര്‍ ഭരതനാട്യം, ശാസ്ത്രീയനൃത്തം എന്നിവ അവതരിപ്പിച്ചു.