സി.പി.എം പ്രവര്‍ത്തകര്‍ക്ക് നേരെ അക്രമം: ബി.ജെ.പി പ്രവര്‍ത്തകര്‍ അറസ്റ്റില്‍

കൂത്തുപറമ്പ്: നീര്‍വേലിയില്‍ സി.പി.എം പ്രവര്‍ത്തകരായ അമ്മയെയും മക്കളെയും ആക്രമിച്ച സംഭവത്തില്‍ മൂന്ന് ബി.ജെ.പി പ്രവര്‍ത്തകരെ കൂത്തുപറമ്പ് പൊലീസ് അറസ്റ്റ് ചെയ്തു. കേളക്കുഴി സ്വദേശികളായ ശ്രീജു (26), വിപിന്‍ (22), കരേറ്റ സ്വദേശി അഖിലേഷ് (24) എന്നിവരെയാണ് കൂത്തുപറമ്പ് എസ്.ഐ കെ.ജെ. ബിനോയ് അറസ്റ്റ് ചെയ്തത്. കഴിഞ്ഞ വെള്ളിയാഴ്ചയാണ് നീര്‍വേലിയിലെ മരക്കുന്നത്ത് വീട്ടില്‍ സാവിത്രി (50), മക്കളായ അതുല്‍, ആരോമല്‍ എന്നിവര്‍ക്കു നേരെ അക്രമം നടന്നത്. സാരമായി പരിക്കേറ്റ മൂന്നുപേരും ആശുപത്രിയില്‍ ചികിത്സയിലാണ്. സംഭവത്തില്‍ വധശ്രമത്തിനാണ് പൊലീസ് കേസെടുത്തിരുന്നത്.