വൈശാഖ മഹോത്സവം: കൊട്ടിയൂര്‍ ഇളനീര്‍വെപ്പ് ശനിയാഴ്ച, തിരുവോണം ആരാധന ഇന്ന്

കേളകം: വൈശാഖ മഹോത്സവത്തിന്‍െറ സുപ്രധാന ചടങ്ങായ ഇളനീര്‍ വെപ്പ് ശനിയാഴ്ച നടക്കും. ഇളനീര്‍ വെപ്പ് ചടങ്ങില്‍ പങ്കെടുക്കുന്നതിനായി ഇളനീര്‍ വ്രതക്കാര്‍ കൊട്ടിയൂരിലേക്ക് പ്രയാണത്തിലാണ്. ഇന്ന് തിരുവോണം ആരാധന ഉത്സവ വേദിയില്‍ നടക്കും. കോഴിക്കോട്, വടകര, കൊയിലാണ്ടി, വയനാട് എന്നിവിടങ്ങളില്‍ നിന്നും ജില്ലയുടെ നാനാഭാഗങ്ങളില്‍ നിന്നുമായി ആയിരക്കണക്കിന് ഭക്തരാണ് കൊട്ടിയൂരില്‍ എത്തുന്നത്. വൈശാഖ മഹോത്സവത്തിന്‍െറ സുപ്രധാനമായ കൊട്ടിയൂര്‍ ഇളനീര്‍ വെപ്പ് 28ന് രാത്രി നടക്കും. ഞായറാഴ്ച അഷ്ടമി ആരാധന-ഇളനീരാട്ടം നടക്കും.