കണ്ണൂര്‍ സര്‍വകലാശാല കലോത്സവം; ബ്രണ്ണന്‍ കുതിപ്പ് തുടരുന്നു

തലശ്ശേരി: കണ്ണൂര്‍ സര്‍വകലാശാല കലോത്സവത്തിന്‍െറ സ്റ്റേജിതര മത്സരങ്ങള്‍ പൂര്‍ത്തിയായപ്പോള്‍ ആതിഥേയരുടെ മുന്നേറ്റം തുടരുന്നു. ഒന്നാംനാളിലെ മുന്നേറ്റം 12 പോയന്‍റിന്‍െറ വ്യത്യാസത്തിലാണ് രണ്ടാം നാളില്‍ തുടരുന്നത്. സ്റ്റേജിതര മത്സരങ്ങള്‍ പൂര്‍ത്തിയായപ്പോള്‍ തലശ്ശേരി ഗവ. ബ്രണ്ണന്‍ കോളജ് 95 പോയന്‍േറാടെയാണ് മുന്നേറ്റം തുടരുന്നത്. പയ്യന്നൂര്‍ കോളജ് -83, കാസര്‍കോട് ഗവ. കോളജ് -72 എന്നിവരാണ് തൊട്ടുപിന്നില്‍. മാര്‍ച്ച് മൂന്നിന് അവസാനിക്കുന്ന കലോത്സവത്തിലെ ഗ്ളാമര്‍ ഇനങ്ങളായ ഭരതനാട്യം, കുച്ചിപ്പുടി, മോഹിനിയാട്ടം, കേരളനടനം ഉള്‍പ്പെടെ 23 ഇനങ്ങളിലാണ് ചൊവ്വാഴ്ച മത്സരം. വൈകീട്ട് അഞ്ചിന് ചലച്ചിത്ര നടനും സംവിധായകനുമായ ജോയ് മാത്യു പ്രധാന വേദിയായ ‘നിശാഗന്ധി’യില്‍ കലോത്സവം ഉദ്ഘാടനം ചെയ്യും.