റെയില്‍വേ നിര്‍മാണം: ഇന്ന് ഉന്നത ഉദ്യോഗസ്ഥരത്തെും

കണ്ണൂര്‍: കണ്ണൂര്‍ റെയില്‍വേ സ്റ്റേഷനിലെയും മണ്ഡലത്തിലെ മറ്റ് റെയില്‍വേ സ്റ്റേഷനുകളിലെയും നിര്‍മാണപ്രവര്‍ത്തനങ്ങള്‍ വിലയിരുത്തുന്നതിനും അവലോകനം നടത്തുന്നതിനും പാലക്കാട് റെയില്‍വേ ഡെപ്യൂട്ടി ചീഫ് എന്‍ജിനീയര്‍ (കണ്‍സ്ട്രക്ഷന്‍ വിഭാഗം) മൊയ്തീന്‍കുട്ടി, ഡിവിഷനല്‍ എന്‍ജിനീയര്‍ ഷാജി റോയ് എന്നിവര്‍ വ്യാഴാഴ്ച രാവിലെ എട്ടിന് കണ്ണൂര്‍ റെയില്‍വേ സ്റ്റേഷനില്‍ നടക്കുന്ന പ്രത്യേക യോഗത്തില്‍ പങ്കെടുക്കും. പി.കെ. ശ്രീമതിഎം.പിയുടെ അഭ്യര്‍ഥനയെ തുടര്‍ന്നാണ് ഇരുവരും യോഗത്തില്‍ സംബന്ധിക്കുന്നത്. തുടര്‍ന്ന് പാപ്പിനിശ്ശേരി സബ്വേയുടെ നിര്‍മാണപ്രവര്‍ത്തനങ്ങളെക്കുറിച്ചും സംഘം നേരിട്ട് സ്ഥലം സന്ദര്‍ശിച്ച് വിലയിരുത്തും.