കരിന്തളം ഖനനം: തൊഴിലാളികള്‍ അനിശ്ചിതകാല സത്യഗ്രഹം തുടങ്ങി

കാഞ്ഞങ്ങാട്: കരിന്തളം തലയടുക്കത്ത് കെ.സി.സി.പി കമ്പനി നടത്തിവന്ന ലാറ്ററേറ്റ് ഖനനം പുനരാരംഭിക്കുകയോ തൊഴിലാളികള്‍ക്ക് ഉപജീവനത്തിന് ബദല്‍ സംവിധാനം ഉണ്ടാക്കുകയോ ചെയ്യണമെന്നാവശ്യപ്പെട്ട് സംയുക്ത സമരസമിതിയുടെ നേതൃത്വത്തില്‍ കാഞ്ഞങ്ങാട് ആര്‍.ഡി.ഒ ഓഫിസിനു മുന്നില്‍ അനിശ്ചിതകാല സത്യഗ്രഹ സമരം തുടങ്ങി. സി.ഐ.ടി.യു ജില്ലാ പ്രസിഡന്‍റ് കെ. ബാലകൃഷ്ണന്‍ ഉദ്ഘാടനം ചെയ്തു. അഡ്വ. ജോസ് സെബാസ്റ്റ്യന്‍ അധ്യക്ഷത വഹിച്ചു. ടി.വി. കുഞ്ഞിരാമന്‍, ബേബി ഷെട്ടി, ഡി.വി. അമ്പാടി, എം. അമ്പൂഞ്ഞി, കെ.വി. കുഞ്ഞികൃഷ്ണന്‍, കെ.വി. അമ്പൂഞ്ഞി, എം. രാമന്‍, എ. മാധവന്‍ എന്നിവര്‍ സംസാരിച്ചു. പി. കൃഷ്ണന്‍ സ്വാഗതം പറഞ്ഞു.