Begin typing your search above and press return to search.
exit_to_app
exit_to_app
Posted On
date_range 23 Aug 2016 2:16 PM GMT Updated On
date_range 23 Aug 2016 2:16 PM GMTമെഡിക്കല് ഷോപ് തൊഴിലാളികള്ക്ക് 20 ശതമാനം ബോണസ്
text_fieldsbookmark_border
കണ്ണൂര്: ജില്ലയിലെ മെഡിക്കല് ഷോപ്പുകളില് ജോലിചെയ്യുന്ന ജീവനക്കാര്ക്ക് 2015-16 സാമ്പത്തികവര്ഷത്തെ മൊത്തവരുമാനത്തിന്െറ 20 ശതമാനം ബോണസ് നല്കാന് തീരുമാനം. തൊഴിലാളിയൂനിയനുകളും മാനേജ്മെന്റ് പ്രതിനിധികളും ഡെപ്യൂട്ടി ലേബര് ഓഫിസര് എം. കുമാരന് നായരുടെ സാന്നിധ്യത്തില് നടത്തിയ ചര്ച്ചയിലാണ് തീരുമാനമായത്. 10,000 രൂപക്ക് മേല് വേതനം കൈപ്പറ്റിയിട്ടുള്ളവര്ക്ക് 10,000 രൂപ ഉയര്ന്നപരിധി നിശ്ചയിച്ച് നല്കാനും യോഗത്തില് തീരുമാനമായി. ജില്ലയിലെ മൊത്ത, ചില്ലറവില്പന മെഡിക്കല് ഷോപ്പുകളിലെ ജീവനക്കാര്ക്ക് കഴിഞ്ഞവര്ഷവും 20 ശതമാനമാണ് ബോണസ് നല്കിയത്. എന്നാല്, ഈ വര്ഷം ബോണസിന്െറ ശതമാനം കുറക്കുന്നതിനുള്ള നീക്കം നടന്നിരുന്നു. ഈ നീക്കത്തിനെതിരെ തൊഴിലാളി യൂനിയനുകള് പ്രതിഷേധമുയര്ത്തി. ഇതോടെയാണ് ഒത്തുതീര്പ്പുചര്ച്ചകള് നടന്നത്. ചര്ച്ചയില് തൊഴിലാളി യൂനിയനുകളെ പ്രതിനിധാനംചെയ്ത് വി.വി. ബാലകൃഷ്ണന് (സി.ഐ.ടി.യു), പി.പി. അനില്കുമാര് (കെ.പി.പി.എ), പി.കെ. രാജന് (ബി.എം.എസ്) എന്നിവരും ഉടമകളെ പ്രതിനിധാനംചെയ്ത് ബഷീര് പള്ളിയത്ത്, എം.കെ. സെബാസ്റ്റ്യന് എന്നിവരും പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story