അനധികൃത പാര്‍ക്കിങ്: ഇരുചക്ര വാഹനങ്ങള്‍ പിടിച്ചെടുത്തു

തളിപ്പറമ്പ്: ഗതാഗതത്തിന് തടസ്സം സൃഷ്ടിക്കും വിധം റോഡരികില്‍ പാര്‍ക്ക് ചെയ്ത ഇരുചക്ര വാഹനങ്ങള്‍ പൊലീസ് പിടിച്ചെടുത്തു. മെയിന്‍ റോഡില്‍ ബസ് ബേക്കായി മാര്‍ക്ക് ചെയ്ത് ബോര്‍ഡ് സ്ഥാപിച്ചിടത്ത് പാര്‍ക്ക് ചെയ്ത ബൈക്കുകളാണ് സ്റ്റേഷനിലേക്ക് മാറ്റിയത്. എസ്.ഐ പി. രാജേഷിന്‍െറ നേതൃത്വത്തില്‍ ലോറിയില്‍ കടത്തിയാണ് 25 ഓളം ഇരുചക്രവാഹനങ്ങള്‍ എത്തിച്ചത്. സ്ഥിരമായി രാവിലെ റോഡരികില്‍ പാര്‍ക്ക് ചെയ്ത് ദൂരസ്ഥലത്തേക്ക് പോകുന്നവരുടേതുള്‍പ്പെടെയുള്ള വാഹനങ്ങള്‍ ഇവയില്‍ ഉണ്ട്. കാല്‍നടയാത്രക്കും കച്ചവടത്തിനും തടസ്സമാകും വിധത്തില്‍ പാര്‍ക്ക് ചെയ്ത ബൈക്കുകളാണ് പിടികൂടിയതെന്നും ഇനിയും ഇവിടെ പാര്‍ക്ക് ചെയ്യുന്ന വാഹനങ്ങള്‍ പിടിച്ചെടുക്കുമെന്നും പൊലീസ് അറിയിച്ചു. പിടിച്ചെടുത്ത ബൈക്കുകള്‍ ലോറി വാടക ഉള്‍പ്പെടെയുള്ള തുക പിഴ ഈടാക്കിയാണ് ഉടമകള്‍ക്ക് വിട്ടുകൊടുത്തത്.