പുഴയില്‍ കുളിക്കാനിറങ്ങിയ വിദ്യാര്‍ഥിയെ കാണാതായി

തളിപ്പറമ്പ്: പുഴയില്‍ കുളിക്കാനിറങ്ങിയ വിദ്യാര്‍ഥിയെ ഒഴുക്കില്‍പെട്ട് കാണാതായി. പന്ന്യങ്കണ്ടി സ്വദേശി നണിയൂര്‍ നമ്പ്രം ജുമാമസ്ജിദ് ഖത്തീബ് പി.സാജിര്‍ ഹസനിയുടെയും വെള്ളിക്കീലിലെ സഫിയയുടെയും മകന്‍ ബിഷറുല്‍ ഹാഫി(13)യെയാണ് കാണാതായത്. ഇന്നലെ രാവിലെ 9.15 ഓടെ വെള്ളിക്കീല്‍ പുഴയിലായിരുന്നു സംഭവം. തളിപ്പറമ്പ് സീതിസാഹിബ് സ്കൂളിലെ എട്ടാം തരം വിദ്യാര്‍ഥിയാണ്. രാവിലെ കൂട്ടുകാരൊടൊപ്പം കുളിക്കാനിറങ്ങിയതായിരുന്നു. കൂട്ടുകാര്‍ ട്യൂബ് എറിഞ്ഞു കൊടുത്ത് രക്ഷപ്പെടുത്താന്‍ ശ്രമിച്ചെങ്കിലും അതിനിടയില്‍ മുങ്ങിപ്പോവുകയായിരുന്നുവത്രെ. കൂട്ടുകാരുടെ ബഹളം കേട്ടത്തെിയ നാട്ടുകാരും സംഭവമറിത്തത്തെിയ തളിപ്പറമ്പ് പൊലീസും ഫയര്‍ഫോഴ്സും തിരച്ചില്‍ നടത്തിയെങ്കിലും കണ്ടത്തൊനായില്ല. വൈകിയും തിരച്ചില്‍ തുടരുകയാണ്.