രാമന്തളി ഇനി ഐ.എസ്.ഒ ഗ്രാമപഞ്ചായത്ത്

പയ്യന്നൂര്‍: രാമന്തളി ഗ്രാമപഞ്ചായത്ത് ഇനി ഐ.എസ്.ഒ പഞ്ചായത്ത്. ഐ.എസ്.ഒ 9001-2008 പ്രഖ്യാപനവും പഞ്ചായത്ത് പ്രതീക്ഷ ബഡ്സ് സ്കൂള്‍ കെട്ടിട ശിലാസ്ഥാപനവും പഞ്ചായത്ത് ഓഡിറ്റോറിയത്തില്‍ നടന്ന ചടങ്ങില്‍ പി. കരുണാകരന്‍ എം.പി നിര്‍വഹിച്ചു. ചടങ്ങില്‍ സി. കൃഷ്ണന്‍ എം.എല്‍.എ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്‍റ് ഈശ്വരീ ബാലകൃഷ്ണന്‍ സര്‍ട്ടിഫിക്കറ്റ് ഏറ്റുവാങ്ങി. ടാറ്റ ക്വാളിറ്റി സര്‍വിസസ് ലീഡ് ഓഡിറ്റര്‍ പി.വി. രാധാകൃഷ്ണന്‍ സര്‍ട്ടിഫിക്കറ്റ് റിപ്പോര്‍ട്ട് അവതരിപ്പിച്ചു. ബ്ളോക് പഞ്ചായത്ത് വൈസ് പ്രസിഡന്‍റ് എം.വി. ഗോവിന്ദന്‍, ബ്ളോക് പഞ്ചായത്ത് അംഗം കെ.പി. ലക്ഷ്മണന്‍, ഗ്രാമപഞ്ചായത്ത് വൈസ് പ്രസിഡന്‍റ് ടി. ഗോവിന്ദന്‍, പഞ്ചായത്ത് ഡെപ്യൂട്ടി ഡയറക്ടര്‍ എം.എസ്. നാരായണന്‍ നമ്പൂതിരി, ജനപ്രതിനിധികളായ പി. ശ്യാമള, എം.എം. കുഞ്ഞപ്പ മാസ്റ്റര്‍, ടി.കെ. പ്രീത, മോണങ്ങാട്ട് മൊയ്തു, കെ.പി. റംല, സി.വി. ജാനകി, കെ.പി.വി. രാഘവന്‍, കെ. സുനിത, കെ.പി. യശോദ, പി. ജയപ്രകാശന്‍, കെ.സി. അബ്ദുല്‍ ഖാദര്‍, എന്‍.പി. ഹസീന, പി. അബ്ദുല്‍ അസീസ്, ആന്‍റണി ജോസഫ്, രാഷ്ട്രീയ പാര്‍ട്ടി പ്രതിനിധികളായ ഒ.കെ. ശശി, കെ.സി. മുസ്തഫ, വി.വി. ഗഫൂര്‍, കെ.പി. ബാലകൃഷ്ണന്‍ എന്നിവര്‍ സംസാരിച്ചു. സെക്രട്ടറി എന്‍.എന്‍. നിസാര്‍ സ്വാഗതവും അസിസ്റ്റന്‍റ് സെക്രട്ടറി ടി.പി. ഹരിദാസ് നന്ദിയും പറഞ്ഞു.കഴിഞ്ഞ അഞ്ചുവര്‍ഷ കാലത്തെ വിവിധ വികസന പ്രവര്‍ത്തനങ്ങളാണ് പഞ്ചായത്തിന് ഐ.എസ്.ഒ അംഗീകാരം നേടാന്‍ സഹായകമായത്.