പടുവിലായി കനാല്‍ക്കരയിലെ സി.പി.എം ക്ളബിന് നേരെ അക്രമം

അഞ്ചരക്കണ്ടി: സി.പി.എം ക്ളബിന് നേരെ അക്രമം. പടുവിലായി കനാല്‍ക്കരയിലെ യുവധാര ക്ളബിന് നേരെയാണ് അക്രമം നടന്നത്. തിങ്കളാഴ്ച രാത്രി 12 മണിയോടെയാണ് സംഭവം. ഓഫിസിലെ ഉപകരണങ്ങള്‍ തകര്‍ക്കുകയും പുസ്തകങ്ങളും മാസികകളും വലിച്ചെറിഞ്ഞ് തീയിടാനും ശ്രമിച്ചു. മോട്ടോര്‍ ബൈക്കുകളിലത്തെിയ സംഘമാണ് ഓഫിസ് തകര്‍ത്തതെന്ന് സി.പി.എം നേതൃത്വം പറഞ്ഞു. ഓഫിസ് വാതില്‍ ചവിട്ടി പൊളിച്ച് അകത്ത് കടന്ന് ടി.വി, ഫര്‍ണിച്ചറുകള്‍, കാരംസ് ബോര്‍ഡ് തുടങ്ങിയവ പൂര്‍ണമായും നശിപ്പിച്ചു. കോയിലോട്, വാളാങ്കിച്ചാല്‍, മുണ്ടമെട്ട, കുന്നിരിക്ക ഭാഗങ്ങളില്‍ തെരഞ്ഞെടുപ്പ് പ്രചാരണാര്‍ഥം എല്‍.ഡി.എഫ് സ്ഥാപിച്ച ഫ്ളക്സ് ബോര്‍ഡുകള്‍ നശിപ്പിച്ചതായും പരാതിയുണ്ട്. സംഭവത്തിന് പിന്നില്‍ ആര്‍.എസ്.എസ് പ്രവര്‍ത്തകരാണെന്ന് സി.പി.എം ആരോപിച്ചു.