കെ.എസ്.യു പ്രവര്‍ത്തകര്‍ ഡി.എം.ഒയെ ഉപരോധിച്ചു

കണ്ണൂര്‍: കെ.എസ്.യു പ്രവര്‍ത്തകര്‍ ജില്ലാ മെഡിക്കല്‍ ഓഫിസറെ ഉപരോധിച്ചു. ഡോ. പി.കെ.ബേബിയെയാണ് ഒരു സംഘം പ്രവര്‍ത്തകര്‍ ഓഫിസില്‍ ഉപരോധിച്ചത്. ശനിയാഴ്ച രാവിലെ 11ഓടെയാണ് സംഭവം. കണ്ണൂര്‍ ഗവ. നഴ്സിങ് കോളജിന്‍െറ അഫിലിയേഷന്‍ പുതുക്കാത്ത നടപടിയിലും 1.58 കോടി അനുവദിച്ചിട്ടും കെട്ടിടം പണി ആരംഭിക്കാത്തതിലും പ്രതിഷേധിച്ചാണ് ഉപരോധം. 1:10 അനുപാതത്തില്‍ അധ്യാപകരെ നിയമിക്കുക, മറ്റ് അടിസ്ഥാന സൗകര്യങ്ങള്‍ ഒരുക്കുക തുടങ്ങിയ ആവശ്യങ്ങളും സമരക്കാര്‍ ഉന്നയിച്ചു. സമരക്കാര്‍ ഓഫിസില്‍ തള്ളിക്കയറിയതിനെ തുടര്‍ന്ന് പൊലിസത്തെി നീക്കാന്‍ ശ്രമിച്ചതിനെ തുടര്‍ന്ന് നേരിയ സംഘര്‍ഷമുണ്ടായി. ഉപരോധത്തെ തുടര്‍ന്ന് ഡി.എം.ഒ ആരോഗ്യ മന്ത്രി, ഹെല്‍ത്ത് ഡയറക്ടര്‍, ജില്ലാ കലക്ടര്‍ എന്നിവരുമായി ഫോണില്‍ ബന്ധപ്പെട്ടു. തുടര്‍ന്ന് സമരക്കാര്‍ ഉന്നയിച്ച വിഷയങ്ങളില്‍ തിങ്കളാഴ്ച തിരുവനന്തപുരത്ത് മന്ത്രിയുടെ സാന്നിധ്യത്തില്‍ ചര്‍ച്ച നടത്താമെന്ന ഉറപ്പില്‍ ഉപരോധം പിന്‍വലിച്ചു. കെ.എസ്.യു ജില്ലാ പ്രസിഡന്‍റ് സുധീപ് ജയിംസ്, റോബര്‍ട്ട് വെള്ളാംവള്ളി, വി.പി. അബ്ദുല്‍ റഷീദ്, വി. രാഹുല്‍, എം.കെ. വരുണ്‍, അമേഷ് കുറുമാത്തൂര്‍, നികേത് നാറാത്ത്, മാജിദ്, നിവിന്‍ മാനുവല്‍, റിജിന്‍ രാജ് തുടങ്ങിയവരുടെ നേതൃത്വത്തിലായിരുന്നു ഉപരോധം.