നിരവധി ക്രിമിനല്‍ കേസുകളില്‍ പ്രതിയായ യുവാവ് അറസ്റ്റില്‍

പാനൂര്‍: നിരവധി ക്രിമിനല്‍ കേസുകളില്‍ പ്രതിയായ വെണ്ടക്ക സുരേഷ് എന്ന പൂങ്കുന്നത്ത് സുരേഷി(28)നെ കൊളവല്ലൂര്‍ എസ്.ഐ ഇ.കെ. ഷിജു സാഹസികമായി പിടികൂടി. സി.പി.എം പ്രവര്‍ത്തകനാണ്. ചെറ്റക്കണ്ടിയിലെ ആര്‍.എസ്.എസ് മുഖ്യശിക്ഷക്ക് ഷിബിനിന്‍െറ വീടിനു നേരെ ബോംബെറിഞ്ഞതടക്കം നിരവധി ക്രിമിനല്‍ കേസുകളില്‍ പ്രതിയായ ഇയാള്‍ ഒളിവില്‍ കഴിയുകയായിരുന്നു. കോഴിക്കോട് ജില്ലയിലെ വളയം പൊലീസ് സ്റ്റേഷനിലും സുരേഷിനെതിരെ വധശ്രമമടക്കമുള്ള കേസുകളുണ്ട്. ചെക്യാട് പഞ്ചായത്ത് ഓഫിസ് പരിസരത്ത് നില്‍ക്കുകയായിരുന്ന സുരേഷിനെ രഹസ്യവിവരത്തെ തുടര്‍ന്ന് വേഷം മാറിയത്തെിയ എസ്.ഐ ഷിജു കീഴ്പെടുത്താന്‍ ശ്രമിച്ചപ്പോള്‍ സുരേഷ് തിരിച്ച് ആക്രമിക്കുകയായിരുന്നു. ഏറെ നേരത്തേ മല്‍പിടിത്തത്തിനു ശേഷമാണ് ഇയാളെ കീഴ്പെടുത്തിയത്. ഇന്ന് കോടതിയില്‍ ഹാജരാക്കും.