മുന്‍ രാഷ്ട്രപതിക്ക് ആദരമായി അവധി ദിനത്തിലും ജോലി

കണ്ണൂര്‍: അന്തരിച്ച മുന്‍ രാഷ്ട്രപതി അബ്ദുല്‍ കലാമിന് ആദരമായി അവധി ദിനത്തില്‍ വിദ്യാഭ്യാസ വകുപ്പ്, കോടതി ജീവനക്കാര്‍ എന്നിവര്‍ ജോലി ചെയ്തു. കണ്ണൂര്‍ വിദ്യാഭ്യാസ ജില്ലാ ഒഫിസില്‍ രണ്ടുപേരൊഴിച്ച് മുഴുവന്‍ ജീവനക്കാരും ജോലിക്കത്തെി. ഡി.ഇ.ഒ യു. കരുണാകരന്‍, പി.എ ആര്‍.കെ. ഗംഗാധരന്‍ എന്നിവരും 18 ജീവനക്കാരുമാണ് രണ്ടാം ശനിയാഴ്ചയിലെ അവധി പ്രവൃത്തി ദിനമാക്കിയത്. ഓഫിസിലെ 20 ജീവനക്കാരില്‍ രണ്ടുപേര്‍ നേരത്തെ അവധിയിലായതിനാലാണ് ജോലിക്കത്തൊതിരുന്നത്. സാധാരണ പോലെ മുഴുവന്‍ സമയവും ഓഫിസ് പ്രവര്‍ത്തിച്ചു. കണ്ണൂര്‍ ഉപഭോക്തൃ തര്‍ക്ക പരിഹാര കോടതിയും അവധി ദിനത്തില്‍ ജോലി ചെയ്ത് മുന്‍ രാഷ്ട്രപതിക്ക് ആദരമേകി. തര്‍ക്ക പരിഹാര ഫോറം പ്രസിഡന്‍റ് റോയ് പോള്‍, രണ്ട് അംഗങ്ങള്‍, സീനിയര്‍ സൂപ്രണ്ട്, ആറ് ജീവനക്കാര്‍ എന്നിവരാണ് ജോലിക്കത്തെിയത്.