ഭക്ഷണം കഴിക്കുന്നതിനിടെ കാൽച്ചുവട്ടിൽ രാജവെമ്പാല; ഞെട്ടിത്തരിച്ച് വീട്ടുകാർ
text_fieldsകുമളി: ഉച്ചഭക്ഷണം കഴിക്കുന്നതിനിടെ കാൽച്ചുവട്ടിലൂടെ കടന്നുപോയ പാമ്പിനെക്കണ്ട ് ഒരു നിമിഷം ഞെട്ടിത്തരിച്ച് ശ്വാസം നിലച്ചുപോയി വീട്ടുകാർ. ഉഗ്രവിഷമുള്ള രാജവെമ്പാല യാണ് ഊണുമേശയുടെ ചുവട്ടിലൂടെ ആരെയും ഉപദ്രവിക്കാതെ വീടിെൻറ മൂലയിലേക്ക് നീങ്ങിയത്.
കണമല എയ്ഞ്ചൽവാലി കരിക്കണ്ടത്തിൽ ചാക്കോ ജോസിെൻറ വീട്ടിലാണ് സംഭവം. വീട്ടുകാർ വിവരം അറിയിച്ചതോടെ പമ്പ റേഞ്ച് ഒാഫിസറുടെ നേതൃത്വത്തിൽ റാപിഡ് റെസ്പോൺസബിൾ ടീമംഗങ്ങളും കോട്ടയത്തുനിന്ന് വനംവകുപ്പിലെ പാമ്പ് പിടിത്തക്കാരൻ കെ.എ. അബീഷും സ്ഥലെത്തത്തി. വനം വകുപ്പ് ജീവനക്കാരുടെ ശ്രമഫലമായി ഒമ്പതടി നീളമുള്ള പെൺരാജവെമ്പാലയെ പിടികൂടി പെരിയാർ കടുവ സങ്കേതത്തിനുള്ളിലെ ആങ്ങമൂഴിയിൽ തുറന്നുവിട്ടു.
ദിവസങ്ങൾക്ക് മുമ്പ് ഇതിനു സമീപത്തുനിന്ന് 14 അടി നീളമുള്ള ആൺരാജവെമ്പാലയെ അമ്പീഷിെൻറ നേതൃത്വത്തിൽ പിടികൂടി കാട്ടിൽ തുറന്നുവിട്ടിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.