വ​ന്യ​ജീ​വി​ക​ൾ ജ​ന​വാ​സ​കേ​ന്ദ്ര​ങ്ങ​ളി​ലേ​ക്ക്

അ​ടി​മാ​ലി: ഹൈ​റേ​ഞ്ചി​ൽ വ​ന​മേ​ഖ​ല​യോ​ടു​ചേ​ർ​ന്ന ജ​ന​വാ​സ​കേ​ന്ദ്ര​ങ്ങ​ളി​ലേ​ക്ക് വ​ന്യ​മൃ​ഗ​ങ്ങ​ൾ കൂ​ട്ട​ത്തോ​ടെ ക​ട​ക്കു​ന്ന​ത് ഭീ​ഷ​ണി​യാ​കു​ന്നു. ദേ​വി​കു​ളം, ഉ​ടു​മ്പ​ൻ​ചോ​ല, പീ​രു​മേ​ട് താ​ലൂ​ക്കു​ക​ളി​ലാ​ണ് ഇ​വ​യു​ടെ ശ​ല്യം രൂ​ക്ഷ​മാ​യ​ത്. വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ൽ മൂ​ന്ന് മാ​സ​ത്തി​നി​ടെ ര​ണ്ടു​പേ​ർ കൊ​ല്ല​പ്പെ​ടു​ക​യും 20ലേ​റെ വീ​ടു​ക​ൾ ത​ക​ർ​ക്ക​പ്പെ​ടു​ക​യും 100 ഏ​ക്ക​റി​ലേ​റെ കാ​ർ​ഷി​ക​വി​ള​ക​ൾ ന​ശി​ക്കു​ക​യും ചെ​യ്​​തി​രു​ന്നു. ആ​ന, കാ​ട്ടു​പോ​ത്ത്, കു​ര​ങ്ങ്, കാ​ട്ടു​പ​ന്നി തു​ട​ങ്ങി​യ​വ​യാ​ണ് കൂ​ടു​ത​ൽ ശ​ല്യ​ക്കാ​ർ. വി​നോ​ദ​സ​ഞ്ചാ​ര​കേ​ന്ദ്ര​മാ​യ മൂ​ന്നാ​ർ പ​ട്ട​ണ​ത്തി​ൽ പ​ല​യി​ട​ങ്ങ​ളി​ലും പ​ക​ൽ പോ​ലും കാ​ട്ടാ​ന​യു​ടെ ശ​ല്യ​മു​ണ്ട്. ദേ​വി​കു​ള​ത്ത് രാ​ത്രി കാ​ട്ടാ​ന വ​രാ​ത്ത ദി​വ​സ​ങ്ങ​ളി​ല്ല. കാ​ട്ടാ​ന​യെ തു​ര​ത്തു​ന്ന​തി​നി​ടെ ര​ണ്ട് വ​നം വ​കു​പ്പ് ജീ​വ​ന​ക്കാ​ർ​ക്കും നാ​ല് ഗ്രാ​മീ​ണ​ർ​ക്കും അ​ടു​ത്തി​ടെ പ​രി​ക്കേ​റ്റു. ജീ​വി​തം വ​ഴി​മു​ട്ടി​യ ക​ർ​ഷ​ക​ർ വ​നം വ​കു​പ്പ് ഓ​ഫി​സു​ക​ൾ ഉ​പ​രോ​ധി​ച്ചും പൊ​തു​ജ​ന​ങ്ങ​ൾ സം​ഘ​ടി​ച്ച് പ്ര​ത്യേ​ക സേ​ന രൂ​പ​വ​ത്​​ക​ര​ണ​വു​മൊ​ക്കെ ന​ട​ത്തു​ന്നു​ണ്ടെ​ങ്കി​ലും ന​ട​പ​ടി​യി​ല്ല. മാ​ട്ടു​പ്പെ​ട്ടി​യി​ലും മ​റ​യൂ​രി​ലും വ​നാ​തി​ർ​ത്തി​ക്ക്​ സ​മീ​പം കാ​ട്ടു​പോ​ത്ത് സ്​​ഥി​ര​മാ​യി ഇ​റ​ങ്ങു​ന്ന​തി​നാ​ൽ ജ​നം പ​രി​ഭ്രാ​ന്ത​നാ​ണ്. ക​ഴി​ഞ്ഞ​ദി​വ​സം അ​ടി​മാ​ലി പ​ഞ്ചാ​യ​ത്തി​ലെ നെ​ല്ലി​പ്പാ​റ ആ​ദി​വാ​സി കോ​ള​നി​യി​ലി​റ​ങ്ങി​യ കാ​ട്ടാ​ന​ക്കൂ​ട്ടം വ​ൻ നാ​ശം​വി​ത​ച്ചു. ദേ​വി​കു​ള​ത്ത് കാ​ട്ടാ​ന​യു​ടെ മു​ന്നി​ൽ​പെ​ട്ട യു​വാ​വ് ത​ല​നാ​രി​ഴ​ക്കാ​ണ് ര​ക്ഷ​പ്പെ​ട്ട​ത്. ചി​ന്ന​ക്ക​നാ​ൽ പ​ഞ്ചാ​യ​ത്തി​ൽ 301 ആ​ദി​വാ​സി കോ​ള​നി​യി​ൽ ഒ​രു​മാ​സ​മാ​യി കാ​ട്ടാ​ന​ശ​ല്യ​മു​ണ്ട്. പ​ല​രും ഇ​വി​ടെ വീ​ടു​പേ​ക്ഷി​ച്ച് പാ​ലാ​യ​നം ചെ​യ്യു​ക​യാ​ണ്. കാ​ട്ടു​പ​ന്നി​യും കു​ര​ങ്ങും ക​ർ​ഷ​ക​ർ​ക്ക് ത​ല​വേ​ദ​ന​യാ​ണ്. സൗ​രോ​ർ​ജ​വേ​ലി പ​ല​യി​ട​ങ്ങ​ളി​ലും സ്​​ഥാ​പി​ച്ചെ​ങ്കി​ലും പ്ര​വ​ർ​ത്തി​ക്കു​ന്നി​ല്ല. കാ​ട്ടാ​ന​യെ അ​ക​റ്റാ​ൻ കി​ട​ങ്ങു​ക​ൾ​ക്കും ക​ഴി​യാ​താ​യ​തോ​ടെ കൃ​ഷി സം​ര​ക്ഷി​ക്കാ​നാ​കു​ന്നി​ല്ല. ഇ​തോ​ടെ ചെ​റു​കി​ട ക​ർ​ഷ​ക​ർ കൃ​ഷി​യി​ൽ​നി​ന്ന്​ പി​ന്മാ​റു​ക​യാ​ണ്. സ​ഹ​ക​ര​ണ ബാ​ങ്കു​ക​ളി​ൽ​നി​ന്നും മ​റ്റ് ധ​ന​കാ​ര്യ സ്​​ഥാ​പ​ന​ങ്ങ​ളി​ൽ​നി​ന്നും വാ​യ്പ​യെ​ടു​ത്ത് കൃ​ഷി ആ​രം​ഭി​ച്ച​വ​ർ ഇ​പ്പോ​ൾ തി​രി​ച്ച​ട​ക്കാ​ൻ ക​ഴി​യാ​ത്ത സ്​​ഥി​തി​യി​ലാ​ണ്.