വേ​ന​ൽ: പാൽ ഉൽപാദനം കുറഞ്ഞു; ക്ഷീ​ര​ക​ർ​ഷ​ക​ർ പ്ര​തി​സ​ന്ധി​യി​ൽ

അ​ടി​മാ​ലി: വേ​ന​ൽ ക​ടു​ത്ത​തോ​ടെ ജി​ല്ല​യി​ൽ പാ​ൽ​ക്ഷാ​മം രൂ​ക്ഷ​മാ​കു​ന്നു. വ​ര​ൾ​ച്ച​യു​ടെ പി​ന്നാ​ലെ പാ​ലു​ൽ​പാ​ദ​ന​വും ഗ​ണ്യ​മാ​യി കു​റ​ഞ്ഞ​തോ​ടെ ക്ഷീ​ര ക​ർ​ഷ​ക​ർ പ്ര​തി​സ​ന്ധി​യി​ലാ​യി. ക​ഴി​ഞ്ഞ അ​ഞ്ച് സാ​മ്പ​ത്തി​ക​വ​ർ​ഷ​വും പാ​ലു​ൽ​പാ​ദ​ന​ത്തി​ൽ വ​ർ​ധ​ന നേ​ടി​യ ജി​ല്ല​യി​ൽ ആ​ദ്യ​മാ​യാ​ണ് ഇ​ടി​വു​ണ്ടാ​വു​ന്ന​തെ​ന്ന്​ ക​ർ​ഷ​ക​ർ പ​റ​യു​ന്നു. ക​ത്തു​ന്ന ചൂ​ടും വൈ​ക്കോ​ൽ​ക്ഷാ​മ​വു​മാ​ണ് പാ​ൽ ഉ​ൽ​പാ​ദ​ന​ത്തി​ലെ കു​റ​വി​ന് കാ​ര​ണം. ജി​ല്ല​യി​ലു​ട​നീ​ളം കു​ടി​വെ​ള്ള​ക്ഷാ​മം രൂ​ക്ഷ​മാ​യ​തോ​ടെ ക​ന്നു​കാ​ലി​ക​ളെ വ​ള​ർ​ത്ത​ൽ കൂ​ടു​ത​ൽ പ്ര​യാ​സ​മാ​യെ​ന്നാ​ണ് ക​ർ​ഷ​ക​രു​ടെ അ​ഭി​പ്രാ​യം. വീ​ട്ടാ​വ​ശ്യ​ത്തി​നു​പോ​ലും ശു​ദ്ധ​ജ​ലം തി​ക​യാ​തെ​വ​രു​മ്പോ​ൾ ക​ന്നു​കാ​ലി​ക​ളു​ടെ പ​രി​പാ​ല​നം ബു​ദ്ധി​മു​ട്ടി​ലാ​കു​മെ​ന്നാ​ണ്​ മ​ല​യോ​ര ക​ർ​ഷ​ക​രു​ടെ വി​ല​യി​രു​ത്ത​ൽ. ക​ഴി​ഞ്ഞ​വ​ർ​ഷം പ്ര​തി​ദി​ന ഉ​ൽ​പാ​ദ​ന​ത്തി​ൽ 14.12 ശ​ത​മാ​നം വ​ർ​ധ​ന നേ​ടി​യ ജി​ല്ല​യി​ലെ 206 പാ​ൽ സൊ​സൈ​റ്റി​ക​ളി​ലും പാ​ൽ വ​ര​വി​ൽ ഗ​ണ്യ​മാ​യ കു​റ​വു​ണ്ട്​. ത​മി​ഴ്നാ​ട്ടി​ൽ​നി​ന്നു​ള്ള വൈ​ക്കോ​ൽ വ​ര​വ് ഗ​ണ്യ​മാ​യി കു​റ​ഞ്ഞ​തും പ്ര​തി​സ​ന്ധി​ക്ക്​ ഇ​ട​യാ​ക്കി. നേ​ര​ത്തേ ര​ണ്ടാം​വി​ള​യു​ടെ ഭാ​ഗ​മാ​യി ത​ദ്ദേ​ശീ​യ​മാ​യി ഉ​ൽ​പാ​ദി​പ്പി​ക്കു​ന്ന വൈ​ക്കോ​ലു​ക​ൾ ജി​ല്ല​യി​ലെ ആ​വ​ശ്യ​ത്തി​ന് ഏ​റെ ഉ​പ​ക​രി​ച്ചി​രു​ന്നു. എ​ന്നാ​ൽ, ഇ​ത്ത​വ​ണ തു​ലാ​വ​ർ​ഷം ച​തി​ച്ച​തോ​ടെ ക​ർ​ഷ​ക​ർ ര​ണ്ടാം​വി​ള ഉ​പേ​ക്ഷി​ച്ച നി​ല​യി​ലാ​ണ്. ക്ഷാ​മ​ത്തെ തു​ട​ർ​ന്ന് വൈ​ക്കോ​ലി​​െൻറ വി​ല​യി​ൽ വ​ർ​ധ​ന​യു​ണ്ട്​. വ​ര​ൾ​ച്ച തീ​റ്റ​പ്പു​ൽ കൃ​ഷി​യെ​യും സാ​ര​മാ​യി ബാ​ധി​ച്ചി​ട്ടു​ണ്ട്. വ​ര​ൾ​ച്ച കാ​ര​ണം ക്ഷീ​ര​വ​കു​പ്പി​െൻറ ജി​ല്ല​യി​ലെ മൂ​ന്ന് ഡി​വി​ഷ​നു​ക​ളി​ൽ മാ​ത്രം ന​ശി​ച്ച​ത് 6.50 ഹെ​ക്ട​ർ തീ​റ്റ​പ്പു​ൽ കൃ​ഷി​യാ​ണ്. പ്ര​തി​സ​ന്ധി രൂ​ക്ഷ​മാ​യ​തോ​ടെ കൃ​ഷി​ക്കാ​ർ ക​ന്നു​കാ​ലി​ക​ളെ വി​ൽ​ക്കാ​നൊ​രു​ങ്ങു​ക​യാ​ണ്. മ​ല​യോ​ര​ത്ത് 70ഓ​ളം ക​ന്നു​കാ​ലി​ക​ളെ വി​റ്റ​താ​യാ​ണ്​ വി​വ​രം.