മുല്ലപ്പെരിയാര്‍ ജലനിരപ്പ് ഉയര്‍ത്തരുത് –ഫ്രാന്‍സിസ് ജോര്‍ജ്

തൊടുപുഴ: മുല്ലപ്പെരിയാറിലെ ജലനിരപ്പ് 152 അടിയാക്കി ഉയര്‍ത്താനുള്ള തമിഴ്നാട് സര്‍ക്കാറിന്‍െറ നീക്കം ഉപേക്ഷിക്കണമെന്ന് ജനാധിപത്യ കേരള കോണ്‍ഗ്രസ് ചെയര്‍മാന്‍ കെ. ഫ്രാന്‍സിസ് ജോര്‍ജ് ആവശ്യപ്പെട്ടു. പാര്‍ട്ടി നിയോജക മണ്ഡലം പ്രവര്‍ത്തക യോഗം ഉദ്ഘാടനം ചെയ്യുകയായിരുന്നു അദ്ദേഹം. മുല്ലപ്പെരിയാറില്‍ പുതിയ ഡാം നിര്‍മിച്ച് ജനങ്ങളുടെ സുരക്ഷാ ഭീഷണി ഒഴിവാക്കുകയാണ് അഭികാമ്യം. പമ്പ-അച്ചന്‍കോവില്‍-വൈപ്പാര്‍ നദീ സംയോജന പദ്ധതി ഒരു കാരണവശാലും നടപ്പാക്കരുതെന്നും അദ്ദേഹം പറഞ്ഞു. എന്‍.വി. വര്‍ക്കി അധ്യക്ഷത വഹിച്ചു. പി.സി. ജോസഫ്, മാത്യു സ്റ്റീഫന്‍, ജോര്‍ജ് അഗസ്റ്റിന്‍, ബാബു വാരികാട്ട്, ജോസ് മാത്യു, ജോസഫ് പഴയിടം, ജേക്കബ് ജെ. കോണിക്കല്‍, സജികുമാര്‍ കാവുവിള, ജോയി പുത്തേട്ട്, ജോസ് കണ്ണംകുളം, ജോസ് നെല്ലിക്കുന്നേല്‍, ജോബി പൊന്നാട്ട്, ജോസ് നാക്കുഴിക്കാട്ട്, ജെയ്സണ്‍ ചെമ്പോട്ടി, ബെന്നി എടാട്ട്, സെബാസ്റ്റ്യന്‍ കൊച്ചടിവാരം, തങ്കച്ചന്‍ പാറത്തലക്കല്‍, പൗലോസ് ജോര്‍ജ്, ജിസ് പൂച്ചാലില്‍, നൗഷാദ് കാരിക്കോട് എന്നിവര്‍ സംസാരിച്ചു.