കുടുംബ വഴക്കിനിടയില്‍ വീട് കത്തി നശിച്ചു

രാജാക്കാട്: കുടുംബ വഴക്കിനിടെ മണ്ണെണ്ണ വിളക്ക് മറിഞ്ഞുവീണ് തീപടര്‍ന്ന് വീട് കത്തിനശിച്ചു. കുട്ടികളുടെ പാഠപുസ്തകങ്ങളും വീട്ടുപകരണങ്ങളും പൂര്‍ണമായി കത്തി. ബൈസണ്‍വാലി ഇരുപതേക്കര്‍ ബംഗ്ളാവീട്ടില്‍ സാബുവിന്‍െറ വീടാണ് നശിച്ചത്. ബുധനാഴ്ച രാത്രി ഒന്നോടെയാണ് തീപിടിത്തമുണ്ടായത്. സാബു മദ്യപിച്ചത്തെിയതിനുശേഷം വീട്ടിലുണ്ടായ കുടുംബ വഴക്കിനിടെയാണ് വൈദ്യുതിയില്ലാത്ത വീട്ടില്‍ കത്തിച്ചുവെച്ചിരുന്ന മണ്ണെണ്ണ വിളക്ക് മറിഞ്ഞുവീണ് ബെഡിന് തീപടര്‍ന്നത്. തീ അണക്കാന്‍ പരിശ്രമിച്ചെങ്കിലും ചെറിയ മുറിക്കുള്ളില്‍ സൂക്ഷിച്ചിരുന്ന മറ്റ് ഉപകരണങ്ങളിലേക്ക് തീ പടര്‍ന്ന് ആളിക്കത്തി. തുടര്‍ന്ന് ഭാര്യയും മൂന്ന് മക്കളും ഓടി രക്ഷപ്പെട്ടു. പരാതിയെ തുടര്‍ന്ന് രാജാക്കാട് എസ്.ഐ എസ്. മഹേഷ്കുമാറിന്‍െറ നേതൃത്വത്തിലുള്ള പൊലീസ് സംഘം സ്ഥലത്തത്തെി തീ അണക്കാന്‍ അടുത്തുള്ള വീട്ടില്‍നിന്ന് മോട്ടോര്‍ പമ്പ് ഉപയോഗിച്ച് വെള്ളം അടിച്ചെങ്കിലും ഫലം കണ്ടില്ല. അടിമാലി, മൂന്നാര്‍ എന്നിവിടങ്ങളില്‍ നിന്നുള്ള ഫയര്‍ഫോഴ്സ് സംഘം സ്ഥലത്തത്തെിയാണ് തീ അണച്ചത്. തീ പൂര്‍ണമായി അണച്ചെങ്കിലും വീട്ടുപകരണങ്ങളും മറ്റും കത്തി നശിച്ചിരുന്നു. രണ്ട് പെണ്‍കുട്ടികള്‍ അടക്കം മൂന്ന് മക്കളാണ് സാബുവിനുള്ളത്. പ്ളസ് വണിലും പത്തിലും ഒമ്പതിലും പഠിക്കുന്ന കുട്ടികളുടെ പഠനോപകരണങ്ങള്‍ പൂര്‍ണമായി കത്തിനശിച്ചു.