നിര്‍മാണോദ്ഘാടനത്തിനത്തെിയ പഞ്ചായത്ത് പ്രസിഡന്‍റ് തൊഴിലാളിയായി

പെരുമ്പിള്ളിച്ചിറ: നടപ്പാത നിര്‍മാണോദ്ഘാടനത്തിനത്തെിയ ഗ്രാമപഞ്ചായത്ത് പ്രസിഡന്‍റ് തൊഴിലാളികളോടൊപ്പം ചേര്‍ന്ന് ജോലിചെയ്തത് വേറിട്ട കാഴ്ചയായി. കുമാരമംഗലം ഗ്രാമപഞ്ചായത്തിലെ ഏഴാം വാര്‍ഡ് പെരുമ്പിള്ളിച്ചിറ ഞാലിക്കോട് നടപ്പാതയുടെ നിര്‍മാണോദ്ഘാടനത്തിനത്തെിയ ഗ്രാമപഞ്ചായത്ത് പ്രസിഡന്‍റ് നിസാര്‍ പഴേരിയാണ് തൊഴിലാളികളോടൊപ്പം ഒരു ദിവസം മുഴുവന്‍ ജോലി ചെയ്തത്. 100കുടുംബങ്ങള്‍ക്ക് കുടിവെള്ളമത്തെിക്കുന്ന പെരുമ്പിള്ളിച്ചിറ കുടിവെള്ള പദ്ധതിയുടെ കിണര്‍ സ്ഥിതി ചെയ്യുന്ന പാറേക്കണ്ടം പാടത്തിനടുത്തുള്ള ഞാലിക്കോട് ഭാഗത്തേക്കുള്ള നടപ്പാത നിര്‍മാണത്തിലാണ് ഗ്രാമപഞ്ചായത്ത് പ്രസിഡന്‍റ് നിസാര്‍ പഴേരി ഭാഗവാക്കായത്. 50,000 രൂപ മുടക്കി മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തി നിര്‍മിക്കുന്ന ഈ നടപ്പാത നൂറുകണക്കിന് ജനങ്ങള്‍ക്ക് പ്രയോജനകരമാകും. ജില്ലാ പഞ്ചായത്ത് 10ലക്ഷം രൂപയും ഗ്രാമപഞ്ചായത്ത് രണ്ടു ലക്ഷവും മുടക്കി ഈ പദ്ധതി വിപുലീകരിക്കുന്നതിനുള്ള പ്രവര്‍ത്തനങ്ങളും നടന്നു വരുന്നു. രാവിലെ നടപ്പാത നിര്‍മാണത്തിനത്തെിയ പ്രസിഡന്‍റ് കോണ്‍ക്രീറ്റ് നിറച്ച സിമന്‍റുചട്ടി നടപ്പാത നിര്‍മിക്കുന്ന സ്ഥലങ്ങളില്‍ എത്തിച്ചു കൊടുക്കുകയായിരുന്നു. തൊഴിലുറപ്പ് ജോലിക്കത്തെിയവര്‍ക്കും ചടങ്ങിന് സാക്ഷിയാകാനത്തെിയ ജനങ്ങള്‍ക്കും പ്രസിഡന്‍റിന്‍െറ നടപടി ഹൃദ്യമായി. ഇതോടെ ചടങ്ങിനത്തെിയ മറ്റുള്ളവരും പ്രസിഡന്‍റിനൊപ്പം നടപ്പാത നിര്‍മാണത്തില്‍ പങ്കാളികളാകുകയായിരുന്നു.