ദലിത് പീഡനങ്ങള്‍ തടയണം –സി.എസ്.ഡി.എസ്

പൂമാല: രാജ്യത്ത് വര്‍ധിച്ചുവരുന്ന ദലിത് പീഡനങ്ങള്‍ തടയാന്‍ ശക്തമായ നിയമനിര്‍മാണത്തിന് കേന്ദ്ര സര്‍ക്കാര്‍ തയാറാകണമെന്ന് സി.എസ്.ഡി.എസ് പൂമാല കുടുംബയോഗം ആവശ്യപ്പെട്ടു. പട്ടികജാതി-വര്‍ഗ അതിക്രമ നിയമമനുസരിച്ച് ഇന്നുവരെ രാജ്യത്ത് ആരെയും ശിക്ഷിച്ചിട്ടില്ളെന്നത് വളരെ വിചിത്രമാണെന്നും രാഷ്ട്രീയ പാര്‍ട്ടികള്‍ ദലിതരെ വോട്ടുബാങ്കുകളായി മാത്രമാണ് കാണുന്നതെന്നും യോഗം കുറ്റപ്പെടുത്തി. കുടുംബയോഗം വൈസ് പ്രസിഡന്‍റ് പി.സി. ദാസ് പുതുശേരിയെ ആക്രമിക്കാന്‍ ശ്രമിച്ച ഗുണ്ടാസംഘത്തെ അറസ്റ്റ് ചെയ്യണമെന്ന് ആവശ്യപ്പെട്ട് പൂമാലയില്‍ നടന്ന പ്രതിഷേധയോഗം സി.എസ്.ഡി.എസ് കേന്ദ്ര കമ്മിറ്റിയംഗം ജോസ് പനച്ചിക്കാട്ട് ഉദ്ഘാടനം ചെയ്തു. സോജന്‍ ജോസഫ് അധ്യക്ഷത വഹിച്ചു. താലൂക്ക് പ്രസിഡന്‍റ് മനോജ് ആന്‍റണി മുഖ്യപ്രഭാഷണം നടത്തി. ലീലാമ്മ ബെന്നി, ശാന്തമ്മ സാമുവല്‍, പ്രവീണ്‍ കോട്ടയം, സി.ജെ. ജോര്‍ജ്, ബിബിന്‍ ജോസഫ്, ജോര്‍ജ് സേവ്യര്‍, മാത്യു വര്‍ഗീസ്, ബെന്നി ഇടവര, ഷാജി ജോസഫ് എന്നിവര്‍ സംസാരിച്ചു.