വിദേശമദ്യം വില്‍പന: യുവാവ് പിടിയില്‍

മറയൂര്‍: വിദേശമദ്യം വില്‍പന നടത്തിയ ആളെ എക്സൈസ് ഉദ്യോഗസ്ഥര്‍ പിടികൂടി. വട്ടവട പഴത്തോട്ടം 11ാം വാര്‍ഡില്‍ താമസിക്കുന്ന മുത്തുപ്പാണ്ടിയെയാണ് (31) എക്സൈസ് ഉദ്യോഗസ്ഥര്‍ പിടികൂടിയത്. വാഴത്തോട്ടം ജങ്ഷനില്‍ ഷാജിയുടെ പുതുതായി പണി നടക്കുന്ന വീടിന് മുന്നില്‍വെച്ചാണ് പിടികൂടിയത്. ഇയാളില്‍നിന്ന് 1.6 ലിറ്റര്‍ വിദേശമദ്യവും 370 രൂപയും കണ്ടെടുത്തു. സ്ഥിരമായി വിദേശമദ്യം വിറ്റുവരുന്നയാളാണ് ഇയാളെന്ന് എക്സൈസ് ഉദ്യോഗസ്ഥര്‍ പറയുന്നു. എക്സൈസ് ഇന്‍സ്പെക്ടര്‍ കെ.പി. മോഹന് ലഭിച്ച രഹസ്യവിവരത്തിന്‍െറ അടിസ്ഥാനത്തിലാണ് മറയൂരില്‍നിന്ന് എക്സൈസ് സംഘം സ്വകാര്യ വാഹനത്തില്‍ പഴത്തോട്ടത്തില്‍ എത്തിയത്. പ്രിവന്‍റിവ് ഓഫിസര്‍ എം.എസ്. മധു, സിവില്‍ എക്സൈസ് ഓഫിസര്‍ പി.എ. സെബാസ്റ്റ്യന്‍, എസ്. ബാലസുബ്രഹ്മണ്യന്‍ എന്നിവരുടെ നേതൃത്വത്തിലാണ് പ്രതിയെ പിടികൂടിയത്. പ്രതിയെ ദേവികുളം കോടതിയില്‍ ഹാജരാക്കി റിമാന്‍ഡ് ചെയ്തു.