നിര്‍ത്തിയിട്ടിരുന്ന ലോറി 200 മീറ്റര്‍ ഉരുണ്ട് കുഴിയില്‍ വീണു

മറയൂര്‍: ഡ്രൈവറില്ലാതെ നിര്‍ത്തിയിട്ടിരുന്ന ലോറി ഉരുണ്ട് കുഴിയില്‍ വീണു. മറയൂര്‍ ഗവ. ഹൈസ്കൂളിന് സമീപവാസിയായ പൊതുമരാമത്ത് കരാറുകാരന്‍ പച്ചാസ് ഷിബുവിന്‍െറ ടോറസ് ലോറിയാണ് വീട്ടുമുറ്റത്തുനിന്ന് 200 മീറ്ററോളം തനിയെ ഉരുണ്ട് റോഡരികില്‍നിന്ന മരത്തിലിടിച്ച് സമീപത്തെ 20 അടിയോളം താഴ്ചയിലുള്ള കുഴിയിലേക്ക് വീണത്. രാവിലെ ഏഴോടെ ഉടമ ടോറസ് ലോറി വീട്ടുവളപ്പില്‍നിന്ന് ഇറക്കി റോഡരികില്‍ സ്റ്റാര്‍ട്ടിങ്ങില്‍ പാര്‍ക്ക് ചെയ്തശേഷം വാഹനത്തില്‍നിന്നിറങ്ങി വീട്ടില്‍ കയറിയപ്പോഴാണ് ലോറി താനെ ഉരുണ്ട് നീങ്ങിയത്. മരത്തില്‍ ഇടിച്ച് മറിയുന്നതിന് മുമ്പ് റോഡരികിലെ ഇലക്ട്രിക് പോസ്റ്റ് തകര്‍ത്തു. ഇതോടെ പ്രദേശത്തെ വൈദ്യുതി ബന്ധം തകരാറിലായി. രാവിലെ ഗതാഗതതിരക്ക് കുറവായതിനാല്‍ വന്‍ അപകടം ഒഴിവായി.