Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightപൊതുസ്ഥലത്ത് പുകയില...

പൊതുസ്ഥലത്ത് പുകയില ചവച്ചുതുപ്പുന്നതിന് നിരോധനം

text_fields
bookmark_border
ബംഗളൂരു: കോവിഡ് വ്യാപനത്തിൻെറ പശ്ചാത്തലത്തിൽ പ്രതിരോധ പ്രവർത്തനങ്ങൾ ശക്തമാക്കുന്നതിൻെറ ഭാഗമായി കർണാടകയിൽ പൊതുസ്ഥലത്ത് പുകയില ഉപയോഗിക്കുന്നതും ചവച്ചുതുപ്പുന്നതും നിരോധിച്ചു. കർണാടക പകർച്ച വ്യാധി നിയന്ത്രണ ഒാർഡിനൻസ് പ്രകാരമാണ് നിരോധനം. പൊതുസ്ഥലത്ത് പുകയിലയോ പാൻ മസാലകളോ ഉപയോഗിച്ചാൽ വിവിധ വകുപ്പുകൾ പ്രകാരം കേസെടുക്കും. നിയമലംഘകർക്കെതിരെ ജീവന് ഭീഷണിയായ രോഗം പടരാൻ സാധ്യതയുള്ള കുറ്റകൃത്യം അടക്കമുള്ള വിവിധ വകുപ്പുകൾ പ്രകാരമായിരിക്കും കേസെടുക്കുക. പൊതുസ്ഥലത്ത് സിഗരറ്റ് ഉപയോഗിക്കുന്നത് നേരത്തേ തന്നെ കർണാടക നിരോധിച്ചിട്ടുണ്ട്. കോവിഡ് വ്യാപനം തടയുന്നതിന് പുകയിലയുടെ പൊതുഉപയോഗം തടയുന്നതിനുള്ള നടപടികൾ ആരംഭിക്കാൻ കേന്ദ്ര സർക്കാർ എല്ലാ സംസ്ഥാനങ്ങളോടും കേന്ദ്ര ഭരണ പ്രദേശങ്ങളോടും കഴിഞ്ഞ ഏപ്രിലിൽ ആവശ്യപ്പെട്ടിരുന്നു. സംസ്ഥാനത്ത് പൊതു സ്ഥലത്ത് തുപ്പുന്നതിന് നേരത്തെ തന്നെ പിഴ ഏർപ്പെടുത്തിയിരുന്നു. സർക്കാർ തീരുമാനത്തെ വിവിധ സംഘടനകൾ സ്വാഗതം ചെയ്തിട്ടുണ്ട്.
Show Full Article
TAGS:LOCAL NEWS 
Next Story