പൗരത്വ ചർച്ചക്ക് കല്യാണവീട്ടിൽ ചായ മക്കാനി

കുറ്റ്യാടി: പൗരത്വ ഭേദഗതി നിയമം ചര്‍ച്ചചെയ്യാൻ കല്യാണവീട്ടിൽ ചായമക്കാനി. ഒപ്പം 'ചർച്ചേം ചായേം' എന്ന ബോർഡും വെച്ചിട്ടുണ്ട്. തൊട്ടില്‍പാലം ചീനിയുള്ള പറമ്പത്ത് ജമാലി‍ൻെറ മകളുടെ കല്ല്യാണപ്പന്തലിലാണ് ഈ വേറിട്ട കാഴ്ച. തെങ്ങോല കൊണ്ട് മറച്ച 'കടയിൽ' റാന്തല്‍ വിളക്ക്, പഴയ റേഡിയോ എന്നിവ സംവിധാനിച്ചിരുന്നു. പൗരത്വം ജന്മാവകാശമാണ് എന്ന ബോര്‍ഡും തൂക്കിയിട്ടുണ്ട്.