മംഗലാട് നഫീസത്തുൽ മിസ്‌രിയ്യ സമ്മേളനത്തിന് തുടക്കം

കടമേരി: മംഗലാട് നഫീസത്തുൽ മിസ്‌രിയ്യ കാമ്പസ് ബിരുദദാന സമ്മേളനം തുടങ്ങി. നാലു ദിവസത്തെ സമ്മേളനം കോഴിക്കോട് ഖാദി മുഹമ്മദ് കോയ തങ്ങൾ ജമലുല്ലൈലി തങ്ങൾ ഉദ്ഘാടനം ചെയ്തു. മംഗലാട് മഹല്ല് പ്രസിഡൻറ് തത്തങ്കോട്ട് അമ്മത് ഹാജി അധ്യക്ഷത വഹിച്ചു. സി.ഐ.സി കോഡിനേറ്റർ അബ്ദുൽ ഹക്കീം ഫൈസി ആദൃശ്ശേരി മുഖ്യപ്രഭാഷണം നടത്തി. ആറ്റക്കോയ തങ്ങൾ, വില്യാപ്പള്ളി ഇബ്രാഹിം മുസ്‌ലിയാർ, ചിറക്കൽ ഹമീദ് മുസ്ലിയാർ, കാട്ടിൽ മൊയ്തു മാസ്റ്റർ, ഇസ്മയിൽ ഹാജി എടച്ചേരി, എൻ.പി.കെ. ചേരാപുരം, മുഹമ്മദ് ദാരിമി അടിവാരം, കബീർ റഹ്മാനി, അത്തിക്കോട്ട് പോക്കർ മാസ്റ്റർ, തയ്യിൽ കുഞ്ഞബ്ദുല്ല ഹാജി എന്നിവർ സംസാരിച്ചു. മുസ്തഫ ഹുദവി ആക്കോട് മതപ്രഭാഷണം നടത്തി. എം.എം. മുഹമ്മദ് സ്വാഗതവും നൗഷാദ് തുപ്പനാരി നന്ദിയും പറഞ്ഞു. ചൊവ്വാഴ്ച രാവിലെ 10 മണിക്ക് നടക്കുന്ന പ്രവാസി സമ്മേളനം പാറക്കൽ അബ്ദുല്ല എം.എൽ.എ ഉദ്ഘാടനം ചെയ്യും. ബുധനാഴ്ച ഉച്ചക്ക് രണ്ടിന് സിംസാറുൽ ഹഖ് ഹുദവി പ്രഭാഷണം നടത്തും.