പൗരത്വ ഭേദഗതി നിയമം: യൂത്ത് കോൺഗ്രസ് ബി.എസ്.എൻ.എൽ ഓഫിസ് ഉപരോധിച്ചു

കുറ്റ്യാടി: പൗരത്വ ഭേദഗതിനിയമത്തിനെതിരെ കുറ്റ്യാടിയിൽ പ്രതിഷേധം ശക്തമായി. വ്യാഴാഴ്ച അർധരാത്രി യൂത്ത് കോൺഗ്രസ് പ്രവർത്തകർ കുറ്റ്യാടി ബി.എസ്.എൻ.എൽ ഓഫിസ് ഉപരോധിച്ചു. യൂത്ത് കോൺഗ്രസ് കുറ്റ്യാടി മണ്ഡലം കമ്മിറ്റിയുടെ നേതൃത്വത്തിൽ നടത്തിയ പ്രതിഷേധ സമരം യൂത്ത് കോൺഗ്രസ് വടകര പാർലമൻെറ് ഉപാധ്യക്ഷൻ ശ്രീജേഷ് ഊരത്ത് ഉദ്ഘാടനം ചെയ്തു. എ.കെ. വിജീഷ് അധ്യക്ഷത വഹിച്ചു. പി.പി. ദിനേശൻ, കെ.കെ. ജിതിൻ, ഇ.എം. അസ്ഹർ, രാഹുൽ ചാലിൽ, കെ.പി. റിയാസ്, വി.വി. മാലിക് എന്നിവർ നേതൃത്വം നൽകി.