കെയര്‍ഹോം പദ്ധതി മെഡിക്കല്‍ ക്യാമ്പ്

കൊയിലാണ്ടി: പ്രളയാനന്തര കേരളത്തിൻെറ പുനഃസൃഷ്ടിക്കായി സഹകരണ വകുപ്പ് നടപ്പാക്കുന്ന കെയർഹോം പദ്ധതിയിലെ ഗുണഭോക്താക്കൾക്ക് സൗജന്യ മെഡിക്കല്‍ ക്യാമ്പ് സംഘടിപ്പിച്ചു. സഹകരണ ആശുപത്രിയില്‍ കെ. ദാസന്‍ എം.എല്‍.എ ഉദ്ഘാടനം ചെയ്തു. നഗരസഭ ചെയര്‍മാന്‍ കെ. സത്യന്‍ മുഖ്യാതിഥിയായിരുന്നു. സഹകരണ അസി. രജിസ്ട്രാര്‍ എം.ഐ. ഗീത ഹെല്‍ത്ത് കാര്‍ഡ് വിതരണം ചെയ്തു. സഹകരണ ആശുപത്രി പ്രസിഡൻറ് പി. വിശ്വന്‍ അധ്യക്ഷത വഹിച്ചു. വൈസ് പ്രസിഡൻറ് സി. കുഞ്ഞമ്മദ്, സഹകരണ സംഘം അസി. ഡയറക്ടര്‍ ടി. ഗണേശന്‍, ഡോ. പി. രവീന്ദ്രന്‍, വിനീഷ് മൂടാടി, കെ.കെ. മുഹമ്മദ്, യു. മധുസൂദനന്‍ എന്നിവര്‍ സംസാരിച്ചു.