കാവ്യകേളിയിൽ 31 വർഷമായി സൗജന്യ സേവനം

കുറ്റ്യാടി: കല തൊഴിലാക്കി ഉപജീവനമാർഗം കണ്ടെത്തുന്നിടത്ത് വേറിട്ടൊരു അനുഭവമാകുകയാണ് മേമുണ്ട ഹയർ സെക്കൻഡറിയിലെ റിട്ട. അധ്യാപകനായ ടി.ഐ. വാമനൻ നമ്പൂതിരി. സ്കൂൾ കലോത്സവമത്സരത്തിൽ കാവ്യകേളിയിൽ വിദ്യാർഥികൾക്ക് പ്രോത്സാഹനം നൽകുകയെന്ന ലക്ഷ്യത്തോടെ വടകര കുട്ടോത്ത് സ്വദേശിയായ ടി.ഐ.വി. നമ്പൂതിരി വീട്ടിൽതന്നെയാണ് സൗജന്യ പരിശീലനം നടത്തുന്നത്. 1988 മുതൽ ഈ അധ്യാപകൻെറ ശിഷ്യന്മാരാണ് കോഴിക്കോട് ജില്ലയിലെ ഹൈസ്കൂളിലെയും ഹയർ സെക്കൻഡറിയിലെയും കാവ്യകേളി ജേതാക്കൾ.