എസ്.ജി.എം.എസ്.ബി ഇനി മാലിന്യമുക്ത വിദ്യാലയം

വടകര: എസ്.ജി.എം.എസ്.ബി സ്കൂളിനെ മാലിന്യമുക്ത വിദ്യാലയമായി പ്രഖ്യാപിച്ചു. വടകര നഗരസഭ നടപ്പാക്കുന്ന സമ്പൂര്‍ണ മാ ലിന്യമുക്ത പദ്ധതിക്ക് പിന്തുണ പ്രഖ്യാപിച്ചാണ് പ്രഖ്യാപനം. പദ്ധതിയുടെ ഭാഗമായി വിദ്യാലയവും പരിസരവും മാലിന്യമുക്തമായി പരിപാലിക്കും. മാലിന്യം തരംതിരിച്ച് ശേഖരിക്കാന്‍ മഹീന്ദ്ര ഹോം ഫിനാന്‍സിൻെറ സഹകരണത്തോടെ മാലിന്യക്കൂടയും സ്ഥാപിച്ചു. പ്ലാസ്റ്റിക്, കടലാസുകള്‍, മറ്റ് പാഴ്വസ്തുക്കള്‍ എന്നിവ തരംതിരിച്ച് ശേഖരിക്കാന്‍ മൂന്ന് അറകളോടുകൂടിയതാണ് മാലിന്യക്കൂട. പദ്ധതി മണലില്‍ മോഹനന്‍ ഉദ്ഘാടനം ചെയ്തു. കെ ജയകൃഷ്ണന്‍ അധ്യക്ഷത വഹിച്ചു. പി.വി. വിനീഷ്, നിഷാന്ത്, ബാലഗോപാലന്‍,പി. അനീഷ്,പി.പി. ശ്രീജ എന്നിവര്‍ സംസാരിച്ചു. സമൂഹമാധ്യമങ്ങളുടെ ദുരുപയോഗം; കര്‍ശന നടപടി വേണം -സര്‍വകക്ഷി വടകര: നവമാധ്യമങ്ങള്‍ വഴി പ്രകോപനപരമായ പോസ്റ്റുകള്‍ പ്രചരിപ്പിക്കുന്നവര്‍ക്ക് എതിരെ കര്‍ശന നടപടി സ്വീകരിക്കാന്‍ അഴിയൂര്‍ പഞ്ചായത്തിലെ സര്‍വകക്ഷിയോഗം തീരുമാനിച്ചു. ചോമ്പാല പൊലീസ് വിളിച്ചുചേര്‍ത്ത യോഗത്തിലാണ് തീരുമാനം. അപകീര്‍ത്തിപരമായ പോസ്റ്റുകള്‍ അയക്കുന്നവരെ പിന്തിരിപ്പിക്കാന്‍ രാഷ്ട്രീയ പാര്‍ട്ടി നേതൃത്വം മുൻകൈയെടുക്കണം. സ്റ്റേഷന്‍ പരിധിയില്‍ നവമാധ്യമങ്ങള്‍ വഴിയുള്ള പോസ്റ്റുകള്‍ തര്‍ക്കങ്ങള്‍ക്കും സംഘര്‍ഷങ്ങള്‍ക്കും വഴിവെച്ച സാഹചര്യത്തിലാണ് യോഗം ചേര്‍ന്നത്. ഗ്രാമപഞ്ചായത്ത് പ്രസിഡൻറ് വി.പി. ജയന്‍ അധ്യക്ഷത വഹിച്ചു. ചോമ്പാല സി.ഐ ടി.പി.സുമേഷ്, എസ്.ഐ എസ്.നിഖില്‍, പഞ്ചായത്ത് വൈസ് പ്രസിഡൻറ് റീന രയരോത്ത്, ഇ.ടി. അയൂബ്, എം.പി. ബാബു, പി. ബാബുരാജ്, പി.എം അശോകന്‍, പ്രദീപ് ചോമ്പാല, കെ.വി.രാജന്‍, പി. പ്രമോദ്, മുബാസ് കല്ലേരി, സാലിം പുനത്തില്‍, സി. സുഗതന്‍, സുകുമാരന്‍ കല്ലറോത്ത്, കെ.അൻവർ ഹാജി എന്നിവര്‍ സംസാരിച്ചു.