കെ.ടിയുടെ 'വേഷം പ്രച്ഛന്നം' നാടകം ഇന്ന് വീണ്ടും അരങ്ങത്ത്

ബാലുശ്ശേരി: കെ.ടി. മുഹമ്മദ് എന്ന നാടകാചാര്യൻ അദ്ദേഹത്തിൻെറ അവസാന നാളുകളിൽ എഴുതിയ 'വേഷം പ്രച്ഛന്നം' നാടകം വീണ്ടും അരങ്ങത്ത് അവതരിപ്പിക്കാൻ ഒരുങ്ങുകയാണ് മാസ്സ് കോഴിക്കോട്. ഞായറാഴ്ച സുൽത്താൻ ബത്തേരിയിലാണ് ആദ്യ അവതരണം. നാടക കലാകാരൻ മാധവൻ കുന്നത്തറയുടെ സംവിധാനത്തിൽ നാടകത്തിന് മുന്നിലും പിന്നിലുമായി രത്നമ്മ മാധവൻ, അനിത രഘുനാഥ്, പ്രസീദ വിശ്വനാഥ്, ഷീന മനോജ്, ഫെമിത ശശി, രാജേഷ്, ഉണ്ണി വാകയാട്, പ്രഭാകരൻ പുന്നശ്ശേരി, സോമൻ കുറുമ്പൊയിൽ, വേണു കായക്കണ്ടി, അരവിന്ദ് ബാലുശ്ശേരി, ശശി നന്മണ്ട, രാജീവൻ കോക്കല്ലൂർ, ശിവൻ കോക്കല്ലൂർ, എം.സി. രാജീവ് കുമാർ, എം.ആർ. സുനിൽ, ബാലകൃഷ്ണൻ മക്കട, എ വൺ പ്രമോദ് എന്നീ കലാകാരന്മാർ അണിചേരും.