ഹര്‍ത്താല്‍ വിജയം; പ്രകടനം നടത്തി

വടകര: ഹര്‍ത്താല്‍ വിജയിപ്പിച്ചതില്‍ അഭിവാദ്യമര്‍പ്പിച്ച് സംയുക്ത സമിതി നേതൃത്വത്തില്‍ വടകര ടൗണില്‍ പ്രകടനം നടത്തി. നേതാക്കളായ ഷുഹൈബ് അഴിയൂര്‍, നിസാം പുത്തൂര്‍, കെ. അസ്ഗറലി, സവാദ് വടകര, ഫൗസിയ എന്നിവര്‍ നേതൃത്വം നല്‍കി. വടകര: പൗരത്വ നിയമത്തിനെതിരെ പ്രതിഷേധിച്ച ഡല്‍ഹി ജാമിയ മില്ലിയ്യ യൂനിവേഴ്സിറ്റി വിദ്യാര്‍ഥികള്‍ക്കെതിരെ പൊലീസ് നടത്തിയ അക്രമത്തില്‍ പ്രതിഷേധിച്ച് വടകര ബുസ്താനിയ വനിത കോളജ് യൂനിയൻെറ നേതൃത്വത്തില്‍ വായമൂടിക്കെട്ടി പ്രകടനം നടത്തി. കോളജില്‍നിന്ന് ആരംഭിച്ച പ്രകടനം ടൗണ്‍ചുറ്റി കോളജില്‍ അവസാനിച്ചു. പ്രകടനത്തിന് ഷഹല, സ്വാലിഹ, ഹാജറ എന്നിവര്‍ നേതൃത്വം നല്‍കി. കോളജ് പ്രിന്‍സിപ്പല്‍ കുഞ്ഞമ്മദ്, വൈസ് പ്രിന്‍സിപ്പല്‍ മുഹ്യുദ്ദീന്‍ ഫൈസി, ഡയറക്ടര്‍ ഫിറോസ്, കോളജ് യൂനിയന്‍ ഭാരവാഹികള്‍ സംസാരിച്ചു.