ലോക്ഡൗൺ കാലത്ത്​ വീടുകളിൽ ശാസ്​ത്ര പരീക്ഷണങ്ങൾ ചെയ്​ത്​ വിദ്യാർഥിനികൾ

ആലപ്പുഴ: ലോക്​ഡൗൺകാലത്ത്​ കൗമാരക്കാരിൽ നല്ല പങ്കും സമൂഹ മാധ്യമങ്ങളിലും മൊബൈൽ ഫോണിലെ വിഡിയോ ​െഗയിമുകളിലും ടിക്​ടോക്കിലും മറ്റും സമയം ​കളയു​േമ്പാൾ ഒരു സംഘം വിദ്യാർഥിനികൾ പാഠഭാഗങ്ങളിലെ ശാസ്​ത്ര പരീക്ഷണങ്ങൾക്കുള്ള വേദിയായി വീടുകളെ മാറ്റുന്നു.

ആലപ്പുഴ നഗരത്തിലെ എസ്​.ഡി.വി ഗേൾസ്​ ഹയർ സെക്കൻഡറി സ്​കൂൾ​ കുട്ടികളാണ്​ രസതന്ത്രത്തിലും ഉൗർജതന്ത്രത്തിലുമുള്ള പരീക്ഷണങ്ങൾ അവതരിപ്പിച്ചത്​. കെമിസ്​ട്രി അധ്യാപിക പ്രിയ ഹരിദാസ്​ രണ്ടാഴ്​ച സമയം നൽകിയ ‘ചലഞ്ച്​’ മിക്കവരും നേര​േത്ത തന്നെ പൂർത്തിയാക്കി. ചെറിയ ക്ലാസുകൾ മുതൽ പഠിച്ച ശാസ്​ത്രതത്ത്വങ്ങളുടെ അടിസ്ഥാനത്തിൽ നടത്തിയ പരീക്ഷണങ്ങളിൽ 32 വിദ്യാർഥിനികൾ പ​ങ്കെടുത്തു.

ഓരോ വിഷയങ്ങളിലുമുള്ള പരീക്ഷണങ്ങളുടെ വിഡിയോ റെക്കോഡിങ്​ സമൂഹമാധ്യമങ്ങളിൽ പോസ്​റ്റ്​ ​െചയ്യുക വഴി കൂടുതൽ പേരിൽ സ​ന്ദേശം എത്തുന്നുണ്ട്​. അന്തരീക്ഷ-ഉപരിതല മർദങ്ങൾ, സംവഹനം, വൈദ്യുതി സർക്യൂട്ട്​, ജലവിതാനം, സാന്ദ്രത, ശബ്​ദം, പ്രകാശം തുടങ്ങിയവയുമായി ബന്ധപ്പെട്ട പരീക്ഷണങ്ങളാണ്​ ഊർജതന്ത്രവുമായി ബന്ധപ്പെട്ടവ. വിവിധ തരം മിശ്രിതങ്ങളെ വേർതിരിച്ചെടുക്കുന്ന രസകരമായ മാർഗങ്ങളും ലായനികളുടെ ലേയത്വവും രസതന്ത്രത്തിലെ പരീക്ഷണങ്ങളായി.

കത്താൻ സഹായിക്കുന്ന വാതകമാണ്​ ഓക്​സിജൻ എന്ന കാര്യം വിശദീകരിക്കുന്ന പരീക്ഷണവും അഗ്​നിശമനിയുടെ നിർമാണവും കൗതുകമായി. കീർത്തന, ആദിത്യ, ഗൗരി, ആർഷ, ഗായത്രി, ഫർഹാന, പവിത്ര, അഖില, ആരതി, നഫ്രിന തുടങ്ങിവരുടെ പരീക്ഷണങ്ങൾ ശ്രദ്ധേയങ്ങളായിരുന്നു. വിഡിയോകളിൽ എഡിറ്റിങ്​ നിർവഹിക്കാൻ ഐ.ടി പാഠങ്ങളും ലിറ്റിൽ കൈറ്റ്​സിലെ പരിശീലനവും സഹായകമായി. പ്രധാനാധ്യാപിക ജയശ്രീ ജയൻ കുട്ടികളുടെ മികവാർന്ന പ്രവർത്തനത്തിൽ അഭിമാനം കൊള്ളുന്നു.