ചെങ്ങന്നൂർ സ്വദേശി മിസോറാം ഗവർണറുടെ സ്പെഷ്യൽ ഡ്യൂട്ടി ഓഫിസർ

ചെങ്ങന്നൂർ: മിസോറാം ഗവർണർ പി.എസ് ശ്രീധരൻ പിള്ളയുടെ സ്പെഷ്യൽ ഡ്യൂട്ടി ഓഫിസറായി (ഒ.എസ്. ഡി) ചെങ്ങന്നൂർ തിരുവൻവണ്ടൂർ സ്വദേശി ശ്രീരാജ് ശ്രീവിലാസത്തെ നിയമിച്ചു. യുവമോർച്ച മുൻ സംസ്ഥാന ഉപാധ്യക്ഷനാണ്. 

പരിസ്ഥിതി പ്രവർത്തകനായ ശ്രീരാജ്, വരട്ടാർ പുനരുജ്ജീവന പ്രവർത്തനത്തിലൂടെയും വിവർത്തന രംഗത്തും ശ്രദ്ധേയനാണ്. വിമുക്തഭടനായ ശ്രീവിലാസം ശ്രീകുമാർ-രാജലക്ഷ്മിയമ്മ എന്നിവരാണ് മാതാപിതാക്കൾ. ഭാര്യ: ഗ്രീഷ്മ, മകൾ: എസ്. ദേവനന്ദ.