Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightആലപ്പുഴ നഗരത്തിലെ...

ആലപ്പുഴ നഗരത്തിലെ മൂന്ന് കടകളില്‍ വീണ്ടും മോഷണം

text_fields
bookmark_border
ആലപ്പുഴ: നഗരത്തിലെ മൂന്ന് കടകളില്‍ നടന്ന മോഷണ പരമ്പരയില്‍ 25,000 രൂപ നഷ്ടമായതായി പരാതി. വെള്ളക്കിണര്‍ ജങ്ഷനിലെ കടകളിലാണ് മോഷണം നടന്നത്. വ്യാഴാഴ്ച രാവിലെ പത്തോടെയാണ് വിവരം കട ഉടമകള്‍ അറിയുന്നത്. വെള്ളക്കിണര്‍ ശാന്തഭവനില്‍ രാജശേഖരന്‍െറ ഗണപതി ഗോള്‍ഡ് കവറിങ്, വട്ടയാല്‍ ഐഷ മന്‍സിലില്‍ മുഹമ്മദ് റഫീഖിന്‍െറ ഇന്‍ഡാകാസ് കൂള്‍ബാര്‍, വെള്ളക്കിണര്‍ കാര്‍ത്തിക ഹൗസില്‍ ഗണേശന്‍െറ കാര്‍ത്തിക സ്വീറ്റ്സ് എന്നിവിടങ്ങളിലാണ് മോഷണം. ഈ കടകളില്‍ മുമ്പും മോഷണം നടന്നിരുന്നു. ഗോള്‍ഡ് കവറിങ് സ്ഥാപനത്തില്‍നിന്ന് 20,000 രൂപയുടെ സാധനങ്ങളും കാര്‍ത്തിക സ്വീറ്റ്സില്‍നിന്ന് 5000 രൂപയും നഷ്ടപ്പെട്ടിട്ടുണ്ട്. അതേസമയം, ഇന്‍ഡാകാസ് കൂള്‍ബാറില്‍നിന്ന് പണമായി ഒന്നും നഷ്ടപ്പെട്ടിട്ടില്ല. പകരം പെപ്സി അടക്കം നാല് ശീതളപാനീയങ്ങള്‍ നഷ്ടപ്പെട്ടു. കടകളുടെ മേല്‍ഭാഗം തകര്‍ത്താണ് മോഷ്ടാക്കള്‍ കൃത്യം നടത്തിയത്. മൂന്ന് കടയിലെയും മോഷണരീതികള്‍ സമാനമാണ്. കാര്‍ത്തിക സ്വീറ്റ്സ് കടയുടെ മേല്‍ഭാഗം പൂര്‍ണമായും തകര്‍ന്ന നിലയിലാണ്. മോഷ്ടാക്കള്‍ കയറിയ കാല്‍പാടുകള്‍ ഭിത്തിയിലും ദൃശ്യമാണ്. ഇവിടെ മേശവിരി, നാണയങ്ങള്‍ അടക്കം സാധനങ്ങള്‍ നിലത്ത് ചിതറിക്കിടന്ന നിലയിലുമായിരുന്നു. സൗത്ത് പൊലീസ് എത്തി തെളിവുകള്‍ ശേഖരിച്ചു. എന്നാല്‍, സംഭവം പൊലീസിനെ അറിയിച്ചെങ്കിലും ഇവര്‍ എത്താന്‍ വൈകിയത് വ്യാപാരികളില്‍ പ്രതിഷേധത്തിന് ഇടയാക്കി.
Show Full Article
TAGS:LOCAL NEWS 
Next Story