ബി.​എം.​എ​സ് ഓ​ഫി​സി​നു നേ​രെ അ​ക്ര​മം; ഹ​ർ​ത്താ​ൽ ആ​ച​രി​ച്ചു

ചേ​ർ​ത്ത​ല: ബി.​എം.​എ​സ് ഓ​ഫി​സ് ആ​ക്ര​മി​ച്ച​തി​ൽ പ്ര​തി​ഷേ​ധി​ച്ച് സം​ഘ്​ പ​രി​വാ​ർ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ചേ​ർ​ത്ത​ല ന​ഗ​ര​പ്ര​ദേ​ശ​ത്ത് ന​ട​ത്തി​യ ഹ​ർ​ത്താ​ൽ പൂ​ർ​ണം. ക​ട​ക​ൾ അ​ട​ഞ്ഞു​കി​ട​ന്നു. വി​ദ്യാ​ഭ്യാ​സ സ്ഥാ​പ​ന​ങ്ങ​ളും ധ​ന​കാ​ര്യ സ്ഥാ​പ​ന​ങ്ങ​ളും പ്ര​വ​ർ​ത്തി​ച്ചി​ല്ല. സ​ബ് ര​ജി​സ്​​ട്രാ​ർ ഓ​ഫി​സി​ലും താ​ലൂ​ക്ക് ഓ​ഫി​സി​ലും പ്ര​വ​ർ​ത്ത​ന​മൊ​ന്നും ന​ട​ന്നി​ല്ല. ഓ​ഫി​സു​ക​ളി​ൽ ഹാ​ജ​ർ നി​ല കു​റ​വാ​യി​രു​ന്നു. സ്വ​കാ​ര്യ ബ​സു​ക​ൾ ന​ഗ​ര​ത്തി​ൽ സ​ർ​വി​സ് ന​ട​ത്തി​യി​ല്ല. എ​ന്നാ​ൽ, കെ.​എ​സ്.​ആ​ർ.​ടി.​സി സാ​ധാ​ര​ണ സ​ർ​വി​സു​ക​ൾ കൂ​ടാ​തെ അ​ധി​ക ട്രി​പ്പു​ക​ൾ ന​ട​ത്തി​യ​തി​നാ​ൽ യാ​ത്ര​ക്കാ​ർ​ക്ക് കൂ​ടു​ത​ൽ ബു​ദ്ധി​മു​ട്ട് നേ​രി​ടേ​ണ്ടി വ​ന്നി​ല്ല. അ​രു​ക്കു​റ്റി, അ​ർ​ത്തു​ങ്ക​ൽ, ചെ​ല്ലാ​നം തു​ട​ങ്ങി​യ ഉ​ൾ​നാ​ട​ൻ മേ​ഖ​ല​യി​ലേ​യ്ക്കാ​ണ് അ​ധി​ക ട്രി​പ്പ് ന​ട​ത്തി​യ​ത്. അ​രു​ക്കു​റ്റി​യി​യി​ലേ​ക്ക്​ മാ​ത്രം 20 ഓ​ളം അ​ധി​ക ട്രി​പ്പു​ക​ൾ ന​ട​ത്തി​യെ​ന്ന് കെ.​എ​സ്.​ആ​ർ.​ടി.​സി ചേ​ർ​ത്ത​ല ഡി​പ്പോ അ​ധി​കൃ​ത​ർ പ​റ​ഞ്ഞു. സി.​പി.​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​ക്കു നേ​രെ ന​ട​ന്ന കൈ​യ്യേ​റ്റ​ത്തി​ൽ പ്ര​തി​ഷേ​ധി​ച്ച് ബു​ധ​നാ​ഴ്ച വൈ​കീ​ട്ട് ചേ​ർ​ത്ത​ല ന​ഗ​ര​ത്തി​ൽ സി.​പി.​എം ന​ട​ത്തി​യ പ്ര​തി​ഷേ​ധ പ്ര​ക​ട​ന​ത്തി​നി​ടെ​യാ​ണ് ബി.​എം.​എ​സ് മേ​ഖ​ല ക​മ്മി​റ്റി ഓ​ഫി​സി​നു നേ​രെ ആ​ക്ര​മ​ണം ന​ട​ന്ന​ത്. ഓ​ഫി​സി​ലെ ടി.​വി​യും ക​സേ​ര​ക​ളും മേ​ശ​യും ത​ല്ലി​ത​ക​ർ​ത്തി​രു​ന്നു. ഓ​ഫി​സി​ൽ സൂ​ക്ഷി​ച്ചി​രു​ന്ന ഇ​രു​പ​ത്തി​ര​ണ്ടാ​യി​രം രൂ​പ​യും ന​ഷ്​​ട​പ്പെ​ട്ട​താ​യി പ​രാ​തി​യു​ണ്ട്. ബി.​എം.​എ​സ് ഓ​ഫി​സ് അ​ക്ര​മ​ത്തി​ൽ പ്ര​തി​ഷേ​ധി​ച്ച് സം​ഘ്​ പ​രി​വാ​ർ സം​ഘ​ട​ന​ക​ൾ ബു​ധ​നാ​ഴ്ച രാ​ത്രി ന​ട​ത്തി​യ പ്ര​തി​ഷേ​ധ പ്ര​ക​ട​ന​ത്തി​ടെ ഇ​രു​മ്പു​പാ​ല​ത്തി​ന് സ​മീ​പ​മു​ള്ള സി.​ഐ.​ടി.​യു ഭ​വ​നു നേ​രെ​യും അ​ക്ര​മം ന​ട​ത്തി​യി​രു​ന്നു. ക​സേ​ര​ക​ളും ഫോ​ട്ടോ​ക​ളും ത​ല്ലി ത​ക​ർ​ത്തു. ഇ​തി​ൽ പ്ര​തി​ഷേ​ധി​ച്ച് സി.​ഐ.​ടി.​യു തൊ​ഴി​ലാ​ളി​ക​ൾ വെ​ള്ളി​യാ​ഴ്ച പ​ണി​മു​ട​ക്ക് പ്ര​ഖ്യാ​പി​ച്ചി​ട്ടു​ണ്ട്. ബി.​എം.​എ​സ്, സി.​ഐ.​ടി.​യു ഓ​ഫി​സ് അ​ക്ര​മ​ങ്ങ​ളി​ൽ പൊ​ലീ​സ് ആ​രേ​യും അ​റ​സ്​​റ്റ്​ ചെ​യ്തി​ട്ടി​ല്ല.