തെരുവുനായയുടെ ആക്രമണത്തില്‍ പരിക്കേറ്റു

മാവേലിക്കര: തെരുവുനായയുടെ ആക്രമണത്തില്‍ അച്ഛനും മകനും പരിക്കേറ്റു. മാവേലിക്കര കൊറ്റാര്‍കാവ് അമ്മവീട്ടില്‍ ചന്ദ്രശേഖരന്‍ (48), മകന്‍ നന്ദകിഷോര്‍ (ഏഴ്) എന്നിവര്‍ക്കാണ് പരിക്കേറ്റത്. ഉളുന്തിയിലെ സ്കൂളില്‍നിന്ന് നന്ദകിഷോറിനെ വിളിച്ചുകൊണ്ടുവരവെ പുതിയകാവ് ബ്ളോക് ജങ്ഷന് സമീപത്ത് നായ ആക്രമിക്കുകയായിരുന്നു. ചന്ദ്രശേഖരന്‍െറ കൈകളിലും മകന്‍െറ കാലിനും കൈക്കും പരിക്കേറ്റു. ഇരുവരും മാവേലിക്കര ജില്ലാ ആശുപത്രിയില്‍ ചികിത്സതേടി.