റമദാന്‍ റിലീഫ് വിതരണവും അവാര്‍ഡ് ദാനവും

ആലപ്പുഴ: മുസ്ലിംലീഗ് മുല്ലാത്ത്-ഇരവുകാട് മേഖലാ കമ്മിറ്റിയുടെ കീഴില്‍ റമദാന്‍ റിലീഫ് വിതരണവും ശിഹാബ് തങ്ങള്‍ റിലീഫ് സെല്‍ വിദ്യാഭ്യാസ അവാര്‍ഡ് ദാനവും നടന്നു. സമ്മേളനം ലീഗ് ജില്ലാ ജനറല്‍ സെക്രട്ടറി എ.എം. നസീര്‍ ഉദ്ഘാടനം ചെയ്തു. അവാര്‍ഡുകളുടെ വിതരണം നഗരസഭ ചെയര്‍മാന്‍ തോമസ് ജോസഫും മദ്റസ അവാര്‍ഡുദാനം വൈസ് ചെയര്‍പേഴ്സണ്‍ ബീന കൊച്ചുബാവയും നിര്‍വഹിച്ചു. നൂറുല്‍ഹുദാ മദ്റസ സ്വദര്‍ സലീം അഹ്സനിയെയും മുല്ലാത്ത് വാര്‍ഡ് മുന്‍ കൗണ്‍സിലര്‍ എം.എം. ഷരീഫിനെയും ചടങ്ങില്‍ ആദരിച്ചു. മുസ്ലിംലീഗ് ശാഖാ പ്രസിഡന്‍റ് കെ.എം. ബഷീര്‍ അധ്യക്ഷത വഹിച്ചു. ജില്ലാ പ്രസിഡന്‍റ് ബി.എ. ഗഫൂര്‍ മുഖ്യപ്രഭാഷണം നടത്തി. ജനറല്‍ സെക്രട്ടറി ഇ.എന്‍.എസ്. നവാസ്, മണ്ഡലം പ്രസിഡന്‍റ് എ.എ. റസാഖ്, ശിഹാബുദ്ദീന്‍ മുസ്ലിയാര്‍, വാര്‍ഡ് കൗണ്‍സിലര്‍ സജീന ഹാരിസ്, അഡ്വ. താരിഷ് മുഹമ്മദ്, സിയാദ് കോയ, ഷമീര്‍ കലാം, സദീം ഹുസൈന്‍, നൂറുല്‍ഹുദാ മസ്ജിദ് ഇമാം നിസാമുദ്ദീന്‍ ഖാസിമി, ബാബു ഷെരീഫ്, കൗണ്‍സിലര്‍ എ.എം. നൗഫല്‍, ഷരീഫ് പടക്കന്‍ എന്നിവര്‍ സംസാരിച്ചു. സൈക്ക്ള്‍ വിതരണം അബ്ദുല്‍ റഹ്മാന്‍ എരമംഗലം നിര്‍വഹിച്ചു. ബൈത്തുല്‍ റഹ്മ ചെയര്‍മാന്‍ അമീര്‍ നന്ദിപറഞ്ഞു.