വിമുക്തഭടനെ മര്‍ദിച്ചവരെ പിടികൂടുന്നില്ളെന്ന്

മാന്നാര്‍: വിമുക്തഭടനായ ഭിന്നശേഷിക്കാരനെ ക്രൂരമായി മര്‍ദിച്ചതുമായി ബന്ധപ്പെട്ട കേസിലെ പ്രതികള്‍ പൊലീസിന് മുന്നിലൂടെ സൈ്വരവിഹാരം നടത്തിയിട്ടും അറസ്റ്റ് ചെയ്യാന്‍ കൂട്ടാക്കുന്നില്ളെന്ന് പരാതി. കടപ്ര പരുമല കാട്ടില്‍പറമ്പില്‍ രാമചന്ദ്രകുറുപ്പിനെയാണ് (48) മാര്‍ച്ച് ഏഴിന് മാന്നാര്‍ കുറ്റിയില്‍ ജങ്ഷന് സമീപം മദ്യപസംഘം ആക്രമിച്ച് അവശനാക്കിയത്. വാടകക്കെട്ടിടത്തില്‍ താമസിക്കുന്ന ബംഗാളി സ്വദേശിയായ പണിക്കാരനെ കാണാന്‍ ചെന്നപ്പോള്‍ ഇടവഴിയില്‍ മദ്യപിച്ചുകൊണ്ടിരുന്ന മൂന്നംഗസംഘം അകാരണമായി അസഭ്യം പറഞ്ഞ് കരണത്തടിച്ചു. താഴെ വീണപ്പോള്‍ നാഭിക്കും ഇടുപ്പിനും ചവിട്ടുകയും തൊഴിക്കുകയും ചെയ്തശേഷം കല്ളെടുത്ത് മൂക്കിനിടിച്ചു. അസ്ഥിക്ക് പൊട്ടലും ഇടുപ്പെല്ലിന് സ്ഥാനഭ്രംശം സംഭവിക്കുകയും ചെയ്തു. പരുമലയിലെ സ്വകാര്യ ആശുപത്രിയില്‍ അഞ്ചുദിവസത്തെ ചികിത്സക്കുശേഷം ഓപറേഷന്‍ ഉള്‍പ്പെടെയുള്ളവക്ക് മിലിട്ടറിയുടെ ആതുരാലയത്തിലേക്ക് ഡിസ്ചാര്‍ജ് വാങ്ങി. മാന്നാര്‍ പൊലീസ് മൂന്നുപേരെ പ്രതികളാക്കി പ്രഥമവിവര റിപ്പോര്‍ട്ട് തയാറാക്കിയെങ്കിലും സ്റ്റേഷന് വിളിപ്പാടകലെ താമസിക്കുന്നവരെ അറസ്റ്റ്ചെയ്യാന്‍ തയാറാകുന്നില്ല. ഇതുസംബന്ധിച്ച് വികലാംഗ കോര്‍പറേഷന്‍ ഡയറക്ടര്‍ക്ക് പരാതി നല്‍കി. ഉന്നത പൊലീസ് അധികാരികള്‍, കോടതി എന്നിവയെ സമീപിക്കാനുള്ള തയാറെടുപ്പിലാണ് രാമചന്ദ്രകുറുപ്പ്.