തിരുനാളിന് വെടിക്കെട്ട് ഒഴിവാക്കും

ചേര്‍ത്തല: തീര്‍ഥാടനകേന്ദ്രമായ തങ്കി സെന്‍റ് മേരീസ് ഫൊറോന പള്ളിയില്‍ ഈ മാസം 27ന് ആരംഭിച്ച് മേയ് ഒന്നിന് സമാപിക്കുന്ന ദര്‍ശനതിരുനാളിന് പൂര്‍ണമായും കരിമരുന്ന് ഒഴിവാക്കുമെന്ന് വികാരി ഫാ. ഫ്രാന്‍സിസ് സേവ്യര്‍ കളത്തിവീട്ടില്‍, പ്രസുദേന്തി ബേബി ചക്കുങ്കല്‍ എന്നിവര്‍ അറിയിച്ചു. ഇതിന് ചെലവാക്കുന്ന പണം പാവപ്പെട്ട കുടുംബത്തിന് ഭവനനിര്‍മാണത്തിനായി മാറ്റിവെക്കും. കൊല്ലം വെടിക്കെട്ട് ദുരന്തത്തില്‍ മരണമടഞ്ഞവര്‍ക്കും പരിക്കേറ്റവര്‍ക്കും സമൂഹപ്രാര്‍ഥന നടത്തി.