‘ദര്‍പ്പണം’ മാധ്യമ കൂട്ടായ്മ ഇന്ന് സമാപിക്കും

കായംകുളം: കേരള മീഡിയ അക്കാദമി വിവിധ പ്രസ്ക്ളബുകളുടെ സഹകരണത്തോടെ കായംകുളം റോട്ടറി ഹാളില്‍ നടത്തിവരുന്ന ത്രിദിന മാധ്യമ കൂട്ടായ്മ ‘ദര്‍പ്പണം’ ചൊവ്വാഴ്ച സമാപിക്കും. ‘ഫോട്ടോഗ്രഫി: പുതിയ സാങ്കേതികവിദ്യയുടെ ഗുണഫലങ്ങള്‍’ വിഷയത്തില്‍ ഗൂഗ്ള്‍ എഡിറ്റര്‍ ഫിറോസ് ബാബുവും ‘മൂല്യസംരക്ഷണത്തില്‍ മാധ്യമപ്രവര്‍ത്തകന്‍െറ പങ്ക്’ എന്നതില്‍ മീഡിയ അക്കാദമി മുന്‍ ചെയര്‍മാന്‍ എന്‍.പി. രാജേന്ദ്രനും ക്ളാസുകള്‍ നയിക്കും. ഉച്ചക്ക് ഒന്നിന് സമാപനസമ്മേളനം പ്രമുഖ പത്രപ്രവര്‍ത്തകനും നോവലിസ്റ്റുമായ കെ.എല്‍. മോഹനവര്‍മ ഉദ്ഘാടനം ചെയ്യും. ജില്ലാ പൊലീസ് മേധാവി വി. സുരേഷ്കുമാര്‍ സമ്മാനദാനം നിര്‍വഹിക്കും.